သင့်ကလေး အသက် ၁၀နှစ်မရောက်ခင်သင်ကြားပေးသင့်တဲ့ ငွေကြေးအသိ ၁၀ချက်။

အဖြစ်ကဒီလိုပါ ဟိုတစ်နေ့က ကျွန်တော့်ရဲ့ သုံးနှစ်အရွယ်သားကို သူလိုချင်တဲ့အရုပ်ကိုမဝယ်ပေးနိုင်တဲ့အကြောင်းပြောပြတော့ သားက ဖေဖေပိုက်ဆံအိတ်ထဲကပေးလိုက်လို့ရတယ်လို့ဆိုပါတယ်။ ပိုက်ဆံအိပ်ထဲမှာမရှိဘူးဆိုတော့ ဖေဖေဘဏ်ကိုသွားလိုက် သူတို့ထုပ်ပေးလိမ့်မယ်လိုထပ်ပြောပါတယ်။ ကျွန်တော်သဘောပေါက်လိုက်ပါတယ် သားကိုငွေဘယ်ကရတယ်ဆိုတာကိုရှင်းပြဖို့ အချိန်တန်နေပြီဆိုတာကိုပါ။
တကယ်တော့ ကလေးတွေ ငွေကြေးနဲ့ပတ်သတ်တဲ့ အလေ့အကျင့်ကောင်းတွေရှိဖို့ဆိုတာ မိဘကသင် ပေးရမှာပါလို့ Kids, Wealth, and Consequences ဆိုတဲ့စာအုပ်ကိုရေးသားခဲ့သူ Jayne Pearl ကဆိုပါတယ်။ New York Times ရောင်းအားအကောင်းဆုံးစာအုပ်ဖြစ်တဲ့ Get a Financial Life စာအုပ်ကိုရေးသားခဲ့တဲ့ Beth Kobliner ကဆိုတာကတော့ ကလေးအသက်၃နှစ်လောက်ကစပြီး စုဆောင်တယ်၊သုံးတယ်ဆိုတဲ့ငွေကြေးနဲ့ဆိုင်တဲ့သဘောတရာတွေကိုစတင်ရင်နှီးနေပါပြီတဲ့။ University of Cambridge ကပြုလုပ်တဲ့စစ်တမ်းတစ်ခုအဆိုအရလည်း ငွေကြေးနဲ့ဆိုင်တဲ့အလေ့အကျင့်တွေဟာ အသက်ရနှစ် လောက်ကစပြီးဖြစ်ပေါ်စေပါတယ်လိုဆိုပါတယ်။ အဲဒီ့အတွက်မိဘတွေအနေနဲ့ ငယ်စဉ်ကတည်းကငွေကြေးနဲ့ပတ်သတ်ပြီး သင်ကြားပေးသင့်တဲ့အရာတွေကိုသင်ကြားပေးခြင်းဟာသင့်ကလေးဘဝရှေ့ရေးအတွက်အလွန်အကျိုးရှိစေပါတယ်။ မိဘဆိုတာလက်ဦးဆရာတွေပါ သင့်ကလေးရဲ့ငွေကြေးနဲ့ဆိုင်တဲ့အပြုအမူကောင်းတွေကိုငယ်စဉ်ကတည်းက လေ့ကျင့်ပြုစုပျိုးထောင်ပေးမယ်ဆို နောင်တစ်ခေတ်မှာသင့်ကလေးဟာ သတိရှိရှိသုံးစွဲတတ်တဲ့သူ၊ အမျှော်အမြင်ရှိရှိ ရင်နှီးမြုပ်နှံတတ်သူ၊ စုဆောင်တတ်သူ၊ ဝေမျှတတ်သူလေးတွေအဖြစ်မွေးထုတ်ပေးလို့ရတယ်လို့ Beth Kobliner ကပြောပါတယ်။
ကဲဘယ်ကနေဘယ်လိုကိုယ့်ကလေးကိုစသင်ပေးရမှန်းမသိဖြစ်နေသူတွေအတွက် Jayne Pearl ကနည်းလမ်းကောင်းလေးတွေကို ဝေမျှပေးထားပါတယ်။ အောက်မှာဖော်ပြမဲ့နည်းတွေကတော့ ကလေးငယ်တွေအတွက် အရေးကြီးဆုံးသင်ကြားပေးရမဲ့ ငွေအကြောင်းသင်ခန်းစာတွေနဲ့ သင်ကဘယ်လိုသင့်ကလေးကိုကူညီပေးနိုင်မဲ့နည်းလမ်းတွေပါပဲ။
သင်ခန်းစာ - ၁။ ငွေဆိုတာ ပဒေသာပင်ကရတာမဟုတ်ပါ။
မိဘပိုက်ဆံအိတ်ထဲကထွက်လာတဲ့ငွေတွေ၊ ဘဏ်တို့၊ ATMတို့ကထွက်လာတဲ့ငွေတွေဟာ အကန့်အသတ်ရှိတယ်ဆိုတာကို သင့်ကလေးကသိချင်မှသိပါလိမ့်မယ်။ ငွေဆိုတာအလကားမရဘူး၊ အလုပ်လုပ်မှရလာတာဆိုတာကိုရှင်းပြပေးပါ။ သင့်ကလေးကို ငွေကြေးပေးတဲ့ နေရာမှာ သူတို့ရဲ့အပြုအမူကောင်းတွေ၊တာဝန်ကျေပွန်မှုတွေအပေါ်ကနေခံစားခွင့်ရတယ်ဆိုတာလေ့ကျင့်ပေးပါ။
ဘဏ်ဆိုတာဟာ လည်းငွေကိုလုံခြုံစွာသိမ်းထားတဲ့နေရာဆိုတာကိုရှင်းပြပေးပါ။ တစ်နေနေရာကိုသွားတိုင်း သူတို့ကိုအမြဲတစ်ခုခု ဝယ်ပေးနေမှာမဟုတ်ဘူးဆိုတာကိုစောစောစီးစီးရှင်းပြထားသင့်ပါတယ်။ မိဘကဘာကြောင့်ဈေးဝယ်တဲ့နေရာကိုရောက်နေရ တယ်၊ အခုဘာလာဝယ်တယ်ဆိုတာကို အတိအကျပြောပြရှင်းပြပေးပါ။ ဒါဆိုကလေးကလည်းအမြဲတမ်း သူတို့လိုချင်တာဝယ်လို့ မရဘူးဆိုတာကိုသိလာပါလိမ့်မယ်။
သင်ခန်းစာ - ၂။ ချင့်ချိန်တိုင်းဆမျှတသုံးစွဲ။
သင့်ကလေးရဲ့ ငွေအသုံးကိုစီမံတတ်ဖို့အကောင်းဆုံးနည်းက သူတို့ကိုယ်တိုင်ပေးသုံးစေတာပဲဖြစ်ပါတယ်။ သူတို့ကိုခွင့်ပြုပေးထားတဲ့ငွေအတိုင်းအတာ (တနည်းအားဖြင့်မုန့်ဖိုး) ကိုသူတို့ကိုယ်တိုင်စီမံသုံးစွဲပါစေ။ အစပိုင်းမှာတော့ အရုပ်သစ်တစ်ခုကိုဝယ်လိုက်တဲ့အတွက် သူတို့တကယ်လိုချင်နေတဲ့ အမှန်တကယ်လိုအပ်တဲ့အခြားတစ်ခုအတွက် ငွေမလောက်တော့တာတွေဖြစ်လာမှာပါ။ သူတို့လေးတွေအတွက်ငွေဆိုတာအကန့်အသတ်မဲ့ရနေတာမဟုတ်တဲ့ အတွက် သူတို့လေးတွေကိုယ်တိုင်ဥာဏ်ရှိရှိဆုံဖြတ်ချက်ချ လာတတ်စေမှာပါ။ တကယ်တော့ ဒါဟာကောင်းတဲ့သင်ခန်းစားကောင်း တစ်ခုပါပဲ။ ဘယ်လိုသင်ခန်းစာလဲဆိုတော့အဆင်အခြင်မဲ့ အလွန်အကျွံသုံးစွဲခြင်းရဲ့ အကျိုးဆက်ဆိုတာကို သူတို့နားလည်လာစေပါတယ်။ တစ်ခါတစ်ရံ အိမ်သုံးပစ္စည်းတွေဝယ်တဲ့ နေရာမျိုးမှာသူတို့ကိုအတူပါဝင်စေပြီး ဘာကြောင့်ဘယ်ဈေးနဲ့ပစ္စည်းကိုဝယ်ရတယ်ဆိုတာကိုရှင်းပြပေးပါ။ လူကြီးတွေဘာကြောင့်သတ်မှတ်ထားတဲ့ငွေနဲ့ လောက်အောင်သုံးစွဲရသလဲဆိုတာကို သူတို့နားလည်နိုင်လောက်တဲ့နည်းနဲ့ရှုင်းပြလို့ရပါတယ်။ နောက်တစ်ခါသတ်မှတ်ပေးထားတဲ့ငွေအတွင်းမှာဝင်အောင် သစ်သီးဝယ်ခိုင်းတာမျိုးတွေကိုပြုလုပ်ခိုင်းလို့ရပါတယ်။
သင်ခန်းစာ - ၃။ လက်ဖက်ကောင်းစားလိုရင်ပလောင်တောင်တက်နှေးရတယ်။
သင့်ကလေးကို လေ့ကျင့်ပေးသင်ကြားပေးရမှာက အကြွေးနဲ့အရင်ဝယ်တဲ့အကျင့်မျိုးမရှိအောင်ပါ။ မိဘကိုယ်တိုင်ကလည်း အရင်ဝယ်ပေးထားမယ် နောက်မှဖြည်းဖြည်းဖဲ့ဆပ်ဆိုတဲ့အလေ့အကျင့်မျိုးကိုမပြုလုပ်ပါနဲ့။ ဒီလိုမပြုလုပ်တာ နောင်တစ်ချိန်မှာ မလိုအပ်တာတွေအပေါ် စိတ်အလိုလိုက်သုံးစွဲပြီး အကြွေးနွံနစ်နေမဲ့ဒုက္ခကနေ ကင်းဝေးစေပါလိမ့်မယ်။ နေရိပ်လိုနေပူကစောင့်ဆုိုတဲ့ စကားအတိုင်းပဲ သင့်ကလေးကိုစိတ်ရှည်တတ်ခြင်းဟာ ရည်ရှည်မှာ ပိုမိုစိတ်ချမ်းသာစေတယ်ဆိုတာ ကိုသင်ပေးပါ။ တစ်ခုခုကိုလိုချင်တိုင်းစိတ်အလိုမလိုက်တတ်တဲ့အကျင့်ရှိအောင်ပျိုးထောင်သင်ကြားပေးပါ။ ရုပ်ရှင်ရုံတို့ ကစားကွင်းတို့ ဈေးဆိုင် ဘယ်မှာပဲဖြစ်ဖြစ်အလှည့်စောင့်ရတဲ့အလေ့အကျင့်ကိုရအောင်လေ့ကျင့်ပေးပါ။
သင်ခန်းစာ - ၄။ ရရသုံးသုံးအလေ့အကျင့်ကိုမလုပ်ပါစေနဲ့။
သင်ခန်းစာ၃နဲ့၎က ဆက်စပ်မှု့ရှိပါတယ်။ စိတ်ရှိတိုင်း၊လက်ထဲငွေရှိတိုင်း၊တွေ့တိုင်းဝယ်တတ် သုံးတတ်တဲ့အကျင့်ကို ထိန်းချုပ်တတ်အောင်သင်ပေးပါ။ သင်ကရှေ့ဆောင်နမူနာ ဖြစ်အောင်လုပ်ပြပါ။ ဈေးဝယ်မထွက်ခင်မှာ ဘယ်လောက်သုံးမယ်ဆို တာကိုသတ်မှတ်ပါ။ ဘာဝယ်မယ်ဆိုတာကို ရေးချပါ၊ ဘယ်မှာသွားဝယ်မယ် ပစ္စည်းတစ်ခုစီအတွက် ဘယ်လောက်အတွင်းမှာ သုံးမယ်ဆိုတာမျိုးကိုသတ်မှတ်ပါ။ တတ်နိုင်သမျှ ကြိုတင်ပြီးဈေးနှုန်းစုံစမ်းတာတို့ အသက်သာဆုံးဖြစ်မဲ့နေရာကိုရှာတာတို့ကို လုပ်ဆောင်ပြသင့်ပါတယ်။ ဒါဆိုသင့်ကလေးကလည်း ပစ္စည်းမဝယ်ခင်ကြိုတင်ပြင်ဆင်တတ်တဲ့အလေ့အကျင့်ကိုရလာပါတယ်။ ဒါအပြင် သူတို့ရတဲ့ငွေကို အမြဲတမ်း ၃ပုံပုံတတ်အောင်သင်ပေးရမှာပါ။ ပထမအပုံက သုံးစွဲဖို့ပါ။ ဒုတိယအပုံက စုဆောင်းဖို့ပါ။ တတိယအပုံကဝေမျှဖို့အတွက်ပါ။
သင်ခန်းစား - ၅။ စုဆောင်းတယ်ဆိုတဲ့အလေ့အကျင့်ကောင်း။
သင့်ကလေးလိုချင်တဲ့အရုပ်အတွက် သူ့မှာငွေအလုံအလောက်မရှိဘူးဆိုပါဆုို့၊ သူ့ကိုပြည့်အောင်ငွေစုခိုင်းပါ။ ငွေပြည့်ပြီဆိုရင် သူ့ကိုအရုပ်ဆိုင်ကိုခေါ်သွားပြီး ကိုယ်တိုင်ငွေပေးပြီး ဝယ်ခိုင်းလိုက်ပါ။ သင့်ကလေးဘယ်တော့မှ ဒီအတွေ့အကြုံကိုမေ့တော့မှာ မဟုတ်ပါဘူး။ သူတို့ကိုယ်တိုင်ဖြစ်အောင်ဆောင်ရွက်နိုင်တာရယ် အဆုံးသတ်မှာရလိုက်တဲ့ကြည်နူးမှု့ဆုလာဒ်တွေအတွက်ပေါ့။ တစ်ခုသတိထားရမှာကတော့ သင့်ကလေးလိုချင်တဲ့အရာကအလွန်အမင်းဈေးကြီးပြီး လပေါင်းအတော်ကြာအောင်စုရမှာ ဆိုရင်တော့ ကလေးအတွက်သိပ်မနိပ်သေးတဲ့အတွက် အောင်မြင်နိုင်ချေနည်းပါတယ်။ ဒါဆိုရင်တော့ သင့်တော်တဲ့အစီအစဉ် တစ်ခုခုကိုမိဘလုပ်သူကကူညီပံ့ပိုးပေးလို့ရပါတယ်။ သို့သော်လည်း အမြဲတမ်းမိဘပံ့ပိုးရတဲ့ အစီအစဉ်မဖြစ်အောင်တော့ သတိထားပါ။ နောက်ထပ်အကြံကောင်းလေးတစ်ခုကတော့ သူတို့ငွေစုတိုင်းသူတို့နှင့်အတူတူငွေရေတွက်ပေးပြီး သူတို့လေးတွေစုထားတာဘယ်လောက်ရောက်နေပြီဆိုတဲ့အကြောင်း၊ပန်းတိုင်ကိုရောက်တော့မယ်ဆိုတဲ့အကြောင်းအားပေးပါ။ ဒီလိုပြုလုပ်ပေးတာ ပျော်စရာကောင်းသလို သူတို့အတွက်အားရှိပြီး ယုံကြည်မှု့ကိုလည်းတိုးစေပါတယ်။
သင်ခန်းစာ - ၆။ စာရင်းမှတ်တာကောင်းတဲ့အကျင့်ပါ။
သင့်ကလေးကိုသင်ကြားပေးရမဲ့ ငွေကြေးစီမံတတ်တဲ့အရည်အချင်းနောက်တစ်ဆင့်ကတော့ သူတို့သုံးစွဲခဲ့တဲ့ငွေတွေကို မှတ်မှတ်သားသားလုပ်တတ်တဲ့အကျင့်ရှိအောင်ပြုလုပ်ပေးဖို့ပါ။ သတ်သတ်မှတ်မှတ်စာရင်းစာအုပ်နဲ့မှတ်တာသော်လည်ကောင်း ကွန်ပြုတာမှာစာရင်းမှတ်တာသော်လည်းကောင်းလုပ်တတ်အောင်လေ့ကျင့်ပေးပါ။ ဘောက်ချာစာရွက်တွေနဲ့ ငွေကြေးနဲ့ဆုိုင်တဲ့ စာရွက်စာတမ်းတွေ စုတတ်တဲ့အလေ့အကျင့်ရအောင်ပြုလုပ်ပေးပါ။
သင်ခန်းစာ - ၇။ စာရင်းပြုစုထားလိုချင်တာများ။
ကလေးငယ်တွေအတွက် အဓိကနဲ့ သာမညခွဲဖို့ဆိုတာတော်တော်လေးခက်ခဲတဲ့အလုပ်လို့ဆိုရပါတယ်။ ဒါကြောင့်မို့ မိဘလုပ်သူက သူတို့နှင့်အတူတူ သူတို့ကိုယ်ပိုင်ငွေနဲ့ သူတို့လိုချင်တာတွေလုပ်ချင်တာတွေကိုအတူစာရင်းပြုလုပ်ပါ။ သူတို့လေးတွေနဲ့ အသေအချာဆွေးနွေးပြီး ဘယ်ကိစ္စကသူတို့အတွက်ပိုအရေးကြီးသလဲပြီးတော့ ကိစ္စတစ်ခုစီကို အဆင့်သတ်မှတ်ပေးနိုင် အောင်ကူညီပေးပါ။
သင်ခန်းစာ - ၈။ စုငွေဆောင်ငွေတိုးပွားပါစေ။
သင့်ကလေးကိုငွေကိုရိုးရိုးစုဆောင်တာသာမကရည်ရှည်မှာအတိုးရနိုင်တယ်ဆုိုတဲ့အကြောင်းကိုစပြီးသင်ပေးပါ။ ဘဏ်တိုးတို့ ငွေစုလက်မှတ်ဝယ်ယူတာတို့လိုမျိုးတွေအကြောင်းရှင်းပြပေးပါ။ ရည်ရှည်မှာ အတိုးပွားများစေတာကိုသူတို့နားလည်းလာရင် အရမ်းအံသြသွားပါလိမ့်မယ်။ နှစ်ရှည်မှာအတိုးကနေအရင်းပြန်ဖြစ်ပြီး အတိုးပိုမိုပွားစေတာကိုသင်ကြားပေးရမှာပါ။ အသက်အရွယ်ကိုလိုက်ပြီးငွေကြေးတိုးပွားလာအောင်လုပ်ရတယ်ဆိုတဲ့အသိကိုသင်ပေးထားပါ။
သင်ခန်းစာ - ၉။ အယုံမလွယ်အောင်လေ့ကျင့်ဆောင်။
အရာရာကို သံသယမျက်လုံးနဲ့ကြည့်ပြီး မယုံမကြည်နဲ့နေဖို့ကိုဆိုလိုတာမဟုတ်ပါဘူး။ ဥာဏ်ကိုလွှာသုံးပြီး အယုံမလွယ်ဖို့ကိုသင်ကြားပေးရမှာပါ။ စိတ်ထဲမသေချာရင် အသေအချာလေ့လာပြီးမှဆုံးဖြတ်တတ်အောင် လေ့ကျင့်ပေးသင့်ပါတယ်။ ကြော်ငြာထဲမှာမြင်တိုင်းအဟုတ်ထင် အကောင်းထင်ပြီး ဘာဖြစ်ဖြစ် ဝယ်ချင်လိုချင် နေမယ်ဆိုရင်တော့ ရည်ရှည်မှာမဟန်သေးပါဘူး။ တစ်ခါတစ်လေ ဒီလိုဝတ်နိုင်မှ သုံးနိုင်မှ လူရာဝင် ထင်ပေါ်လိမ့်မယ်လို့ ထင်အောင်ကြော်ငြာတတ်တဲ့ အရာတွေကို အမှန်တကယ်လို၏၊မလို၏ဆုံးဖြတ်နိုင်အောင် ငယ်ငယ်ကတည်းကလေ့ကျင့်ထားတာ အကောင်းဆုံးပါပဲ။
သင်ခန်းစာ ၁၀။ ဝေမျှတတ်မှုအလေ့ပြု။
သင့်ကလေးကို အမှန်တကယ်လိုအပ်နေတဲ့နေရာတွေမှာ လှုဒါန်းတတ်တဲ့အကျင့်ရှိအောင် သင်ကြားပေးရမှာပါ။ ဒီအလေ့အကျင့်ဟာ ငွေဆိုတာ ပစ္စည်းဝယ်ရုံသတ်သတ်မဟုတ်ဘဲ အများကိုလည်းကူညီနိုင်တယ်ဆိုတာကို နားလည်လာစေပါတယ်။ ငယ်စဉ်ကတည်းကငွေကြေးရဲ့တန်ဖုိုးဆိုတာနားလည်စေပြီး ငွေကြေးကိုအကျိုးရှိရှိအသုံးချလို့ရတယ် ဆိုတဲ့အလေ့အကျင့်ကောင်းတွေကို ရစေပါတယ်။ ငယ်စဉ်ကတည်းက အနည်းအများဆိုတာထက် ဝေမျှတတ်တဲ့အကျင့်ကောင်း ဆိုတာကို ရနေအောင်ပျိုးထောင်ပေးရမှာဖြစ်ပါတယ်။
Reference:
10 Money Lessons To Teach Your Kids Before They Turn 10 By Nicole DeCoursy, ThreeJars.com
http://www.parents.com/…/m…/lessons-teach-kids-about-money/…
The 5 Most Important Money Lessons To Teach Your Kids By Laura Shin
http://www.forbes.com/…/the-5-most-important-money-lessons…/