စီမံခန့်ခွဲမှုနှင့် ခေါင်းဆောင်မှု

စီမံခန့်ခွဲမှုနှင့် ခေါင်းဆောင်မှု (Management နဲ့ Leadership) ရဲ့ အဓိကကွာခြားချက်ကတော့ Management ဟာ လေ့ကျင့်ထားတဲ့ ကျွမ်းကျင်မှုနဲ့ သက်ဆိုင်ပြီး Leadership ကတော့ အနုပညာ ဒါမှမဟုတ် အတတ်ပညာနဲ့ သက်ဆိုင်ပါတယ်။ များသောအား ဖြင့် The skill of management and the art of leadership လို့ ပြောလေ့ရှိကြပါတယ်။
Management Skills လို့ပြောတဲ့အခါ လုပ်ငန်းအဖွဲ့အစည်းအတွက် မဟာဗျူဟာ (Strategy) ချမှတ်နိုင်စွမ်းရှိတာ ၊ ၀န်ထမ်းတွေကို စနစ်တကျ စုစည်းပြီး ဖွဲ့စည်းပုံ (structure) ချမှတ်ထားနိုင်တာ၊ ငွေကြေးနဲ့ဘဏ္ဍာရေးကိစ္စတွေ၊ နေ့စဉ်လုပ်ငန်းဆောင်တာတွေအပေါ် စနစ် (System) ကျကျ ထိန်းသိမ်းနိုင်စွမ်းရှိတာကိုဆိုလိုပါတယ်။
ဒါပေမယ့် စဉ်ဆက်မပြတ် အရှိန်အဟုန်နဲ့ ပြောင်းလဲနေတဲ့ စီးပွားရေးပတ်ဝန်းကျင်မှာ မန်နေဂျာတွေအဖို့ Management Skill နဲ့တင် မလုံလောက်တော့ပါဘူး။ အနာဂတ်မှာ ကြုံတွေ့ရမည့် စိန်ခေါ်မှုတွေကို ကျော်လွားနိုင်ဖို့ ၊ အခွင့်အလမ်းတွေ ရယူနိုင်ဖို့နဲ့ မိမိအဖွဲ့အစည်းကို အားထည့်ထားဖို့တွက် ခေတ်သစ်မန်နေဂျာတွေဟာအမြင်ကျယ်ပြီး ဥာဏ်ပညာအမျှော်အမြင်ပြည့်စုံဖို့ လိုအပ်လာပါတယ်။
ဒါကြောင့်လုပ်ငန်းတွေအောင်မြင်ဖို့အတွက် Management တခုတည်းသာမက Leadership ပါ လိုအပ်လာပါတယ်။
Leadership မှာတော့ ကျိုးကြောင်းဆင်ခြင်မှုပါရှိပြီး လုပ်ငန်းလုပ်ဆောင်တဲ့အခါ ရည်ရွယ်ချက် (Purpose) ၊ စဉ်ဆက်မပြတ်လှုပ်ရှားနေတဲ့ ဖြစ်စဉ်တွေ (Process) နဲ့ ကျွမ်းကျင်ပြီးစွမ်းရည်ပြည့်တဲ့သူတွေ (People) တို့ကို အဓိကထားပြီး စူးစိုက်ဆုံးဖြတ် လုပ်ဆောင်ပါတယ်။
Mangement နဲ့ Leadership ရဲ့အဓိကကွာခြားချက်သုံးခုကတော့
၁။ Management က Planning နဲ့ Strategy ကိုဇောင်းပေးပြီး Leadership က Organization Purpose ကိုဦးစားပေးပါတယ်။
၂။ Management က လုပ်ငန်းအဖွဲ့အစည်းရဲ့ Formal Structural Design ကိုအာရုံစူးစိုက်ထားပြီး Leadership က Effective Management Process ကိုအာရုံစူးစိုက်ထားပါတယ်။
၃။ Management က ၀န်ထမ်းတွေကို ထိန်းချုပ်ကြပ်မတ်ဖို့ တာဝန်ယူပြီး Leadership က လုပ်ငန်းမှာရှိတဲ့လူတွေရဲ့ ကျွမ်းကျင်မှုနဲ့ စွမ်းဆောင်ရည်တိုးတက်မှုကို တာဝန်ခံဆောင်ရွက်ပါတယ်။
Management နဲ့ Leadership ကွာခြားမှုရှိပေမယ့် တစ်ခုနဲ့တစ်ခု သီးခြားသတ်မှတ်လို့မရနိုင်သလို တစ်ခုနဲ့တစ်ခု ကင်းကွာလို့မရနိုင်ပါဘူး။ Management ရဲ့ မူလလုပ်ဆောင်ချက် လုပ်ငန်းတာဝန်တွေကိုလည်း ပစ်ပယ်လို့မရပါဘူး။ Management နဲ့ Leadership ပေါင်းစပ်နိုင်မှသာ လုပ်ငန်းအောင်မြင်နိုင်ပြီး အဲဒီအောင်မြင်မှုကို ဆက်လက်ထိန်းသိမ်းနိုင်မှာ ဖြစ်ပါတယ်။
လုပ်ငန်းမှာ ရည်မှန်းချက်နဲ့ အလုပ်အစီအစဉ်တွေသတ်မှတ်ဖို့နဲ့ သတ်မှတ်ထားတဲ့ အလုပ်တွေ သတ်မှတ်ထားတဲ့အချိန်အတွင်း သတ်မှတ်ထားတဲ့ ဘတ်ဂျက်အတိုင်း ပြီးဖို့ Management ဟာ မရှိမဖြစ်လိုအပ်ပါတယ်။ Management ဟာ အလုပ်အစီအစဉ်တွေ Planning ရေးဆွဲသတ်မှတ်ရသလို သတ်မှတ်ချက်တွေနဲ့အညီ ကိုက်ညီမှုရှိမရှိကို Controlling ပြန်လုပ်ရပါတယ်။
Management ဟာ လုပ်ငန်းရဲ့ အမြတ်ရရှိနိုင်စွမ်းကို ထိန်းချုပ်လုပ်ဆောင်ရုံသာမက ဘတ်ဂျက်ဘောင်အတွင်း အချိန်ကာလသတ်မှတ်ချက် ဘောင်အတွင်း ပြီးစီးလုပ်ဆောင်နိုင်မှုကိုပါ ထိန်းချုပ်ရပါတယ်။ လုပ်ငန်းမှာရှိတဲ့ ၀န်ထမ်းတွေ၊ လူတွေကို စနစ်တကျဖွဲ့စည်းဆောင်ရွက်တဲ့အခါမှာ စီမံခန့်ခွဲမှု (Management) သာမက ဦးဆောင်မှု (Leadership) ပါလိုအပ်လာပါတယ်။
ဝန်ထမ်းစည်းမျဉ်းစည်းကမ်းနဲ့ အလုပ်စံတွေသတ်မှတ်ပေးဖို့ တဖက်မှာလိုအပ်သလို တဖက်မှာလည်း ၀န်ထမ်းတွေကို စနစ်တကျဆောင်ရွက်တတ်အောင် ပံ့ပိုးမှု၊ သင်ကြားမှုနဲ့ အားပေးမှုတွေပေး ရပါမယ်။ ခေတ်သစ်အဖွဲ့အစည်းတွေမှာ ၀န်ထမ်းတွေကိုယ်တိုင်ပါဝင်ပြီး စီမံကိန်းအစီအစဉ်တွေ ရေးဆွဲစေတဲ့ အစီအစဉ်တွေပေးထားပါတယ်။ ၀န်ထမ်းတွေဆီက အဖွဲ့အစည်းရဲ့မျှော်မှန်းချက်နဲ့ အဖွဲ့အစည်းပေါ် ၀န်ထမ်းက မျှော်မှန်းနိုင်မှုကိုလည်း ပွင့်ပွင့်လင်းလင်း အသိပေး ထားပါတယ်။ အမိန့်နဲ့ ထိန်းချုပ်မှုဟာ နေ့စဉ်လုပ်ငန်းလုပ်ဆောင်မှု အတွက် လိုအပ်ပြီးရေရှည်မှာတော့ ၀န်ထမ်းတွေမှာ ကောင်းမွန်တဲ့ အလေ့အထနဲ့ အပြုအမူတွေရှိလာအောင် လေ့ကျင့်ပေးဖို့ လိုအပ်ပါတယ်။ သင်ယူလိုစိတ်၊ ပူးပေါင်းဆောင် ရွက်လိုစိတ်တွေ ရှိလာ အောင်နဲ့ ၀န်ထမ်းတွေတိုးတက်အောင်ဆောင်ရွက်ပေးရပါမယ်။
လုပ်ငန်းတွေမှာ Management နဲ့ Leadership နှစ်မျိုးစလုံးပြည့်စုံတဲ့ ဦးဆောင်မှုမျိုးလိုအပ်ပါတယ်။ ရိုးသားမှုနဲ့ သမာဓိရှိတဲ့၊ ပိုင်ပိုင်နိုင်နိုင်ဆုံးဖြတ်မှုနဲ့ လုပ်ရဲကိုင်ရဲရှိတဲ့၊ ပူးပေါင်းမှုနဲ့ ညှိနှိုင်းဆောင်ရွက်နိုင်စွမ်းရှိတဲ့၊ လိုက်လျှောညီထွေဖြစ်ပြီး အလိုက်သင့် ပြုပြင်နိုင်စွမ်းရှိတဲ့ အရည်အချင်းတွေအပြင် ဥာဏ်ရည်မြင့်တဲ့၊ အင်အားရှိတဲ့၊ ဇွဲရှိတဲ့၊ အမြော်အမြင်ရှိတဲ့ ခေါင်းဆောင်ကောင်းတွေ အဖွဲ့အစည်းမှာ စံနမူနာယူစရာအဖြစ် ရှိနေဖို့ လိုအပ်ပါတယ်။ တကယ်တော့ Management နဲ့ Leadership ရဲ့ ကွာခြားမှုကို သတ်မှတ်လို့မရနိုင်ပါဘူး။ Management ပဲရှိပြီး Leadership မရှိရင် မပြည့်စုံသလို Leadership ပဲရှိပြီး Management မရှိရင်လည်း မပြည့်စုံပါဘူး။
အားကောင်းတဲ့ Management သာရှိပြီး Leadership ကောင်းကောင်းမရှိတဲ့ အဖွဲ့အစည်းမှာ အမိန့်ညွန်ကြားချက်တွေများပြီး အမိန့်ညွန်ကြားချက်အတိုင်း အလုပ်ပြီးရုံသာလုပ်တဲ့ သဘောမျိုးရှိလာနိုင်ပါတယ်။ ဒီလိုအဖွဲ့အစည်းမျိုးကို Bureaucratic အဖွဲ့အစည်းမျိုးအဖြစ် သတ်မှတ်လေ့ရှိပါတယ်။ အားကောင်းတဲ့ Leadership သာရှိပြီး Management ကောင်းကောင်းမရှိတဲ့ အဖွဲ့အစည်းတွေမှာတော့ Leadership ကိုကိုးကွယ်မှုရှိလာနိုင်ပါတယ်။ ဒါကြောင့် လုပ်ငန်းအဖွဲ့အစည်းတွေမှာ စနစ်တကျစီမံခန့်ခွဲနိုင်စွမ်း (Management) နဲ့ ဦးဆောင်နိုင်စွမ်း (Leadership) နှစ်မျိုးစလုံးရှိဖို့ လိုအပ်ပါတယ်။