၂၁ ရာစုရဲ့ စိန်ခေါ်မှုအတွက် သင့်ကလေး အသင့်ဖြစ်နေစေဖို့

တကယ်တော့ ကလေးတွေကို ပြုစုပျိုးထောင်တယ်ဆိုတာဟာ အင်မတန်မှကို သိမ်မွေ့တဲ့ ပညာရပ်တစ်ခု ဖြစ်ပါတယ်။ အင်တာနက်တွေမှာ ရေးကြတယ်၊ စာအုပ်တွေမှာ ရေးကြတယ်၊ ဘယ်လိုပဲရေးရေး၊ ဘယ်အရာကိုမှ လှေနံဓားထစ် ကျင့်သုံးလို့ မရပါဘူး။ အခြေအနေ၊ အချိန်အခါနဲ့ ကလေးရဲ့ အနေအထားပေါ် မူတည်ပြီးပဲ အကောင်းဆုံးဖြစ်အောင် ပျိုးထောင်သွားရတာပါ။
ဒီ ၂၁ ရာစုမှာတော့ လူတစ်ယောက် အောင်မြင်ဖို့အတွက် လိုအပ်ချက်တွေဟာ ပိုပြီးတော့ များလာပါတယ်။ အရင်က စာတတ်ပေတတ်ပုဂ္ဂိုလ်ဆို ကိုယ့်မိခင်ဘာသာစကား ရေးတတ် ဖတ်တတ်တယ်ဆို လုံလောက်ပြီပေါ့။ ခုခေတ်ကျတော့ Global literacy လို့ခေါ်တဲ့ ကမ္ဘာနဲ့ချီပြီး တွေးနိုင်ခေါ်နိုင်၊ ပြောနိုင်ဆိုနိုင်တဲ့ အစွမ်းအစ၊ Digital literacy လို့ပြောရမယ့် နည်းပညာတွေကို ဘယ်လောက်ထိ ကျွမ်းကျွမ်းကျင်ကျင် သုံးတတ်သလဲ ဆိုတာတွေ ထပ်တိုးလာပါတယ်။ ဒီနှစ်ခု မရှိထားရင် အဲဒီလူကို စာတတ်တယ်လို့ ဒီခေတ်မှာ မသတ်မှတ်တော့ပါဘူး။
ပြီးခဲ့တဲ့ ၂၀၁၅ ခုနှစ်မှာ ကမ္ဘာ့စီးပွားရေးဖိုရမ် လုပ်တော့ တက်ရောက်လာတဲ့ ခေါင်းဆောင်တွေကို မေးပါတယ်။ ခေတ်သစ်မှာ အောင်မြင်ဖို့ဆိုရင် ဘယ်လိုအရည်အချင်းမျိုးတွေ လိုလာမလဲ။ ဒီအခါ ခေတ်သစ်အတွက် မရှိမဖြစ် လိုအပ်လာမယ့် အရည်အသွေး ၁၀ ခုကို ခေါင်းဆောင်တွေကနေ ထုတ်နှုတ်ပြောပြခဲ့ပါတယ်။ အဲဒါလေးတွေကို ဝေမျှပေးပါရစေ။
၁။ ပြောင်းလွယ်ပြင်လွယ်ဖြစ်ခြင်း (Flexibility)
အစားအသောက်၊ အ၀တ်အစား စတာတွေနဲ့ ပတ်သက်ပြီး ကလေးကို ဒါဆိုဒါမှ ဆိုတာမျိုး အကျင့်မလုပ်နဲ့၊ အလိုမလိုက်ပါနဲ့။ ဘယ်လိုအခြေအနေမျိုးမှာမဆို အံဝင်ခွင်ကျ နေနိုင်အောင် ပြုစုပျိုးထောင်ပေးဖို့ လိုပါတယ်။ ဒါမှသာ အချိန်တိုအတွင်း အပြောင်းအလဲတွေ ဖြစ်နေတဲ့ ခေတ်ကြီးထဲမှာ သူဟာ အလွယ်တကူ အသားကျသူတစ်ယောက် ဖြစ်လာမှာပါ။
၂။ ညှိနှိုင်းဆောင်ရွက်တတ်ခြင်း (Negotiation)
အဆော့မက်တဲ့ကလေး၊ ညဘက်ဆို မအိပ်တတ်တဲ့ကလေး၊ အစားမစားတဲ့ကလေးကို ဘယ်လောက်ဆော့ခွင့်ပေးမယ်၊ ပြီးရင် အစားစားရမယ် ဆိုတာမျိုးလေး ညှိနှိုင်းပေးပါ။ ငါ မိဘပဲ ဆိုတာမျိုးနဲ့ တစ်ဖက်သတ်မလုပ်ပါနဲ့။ ကြာတဲ့အခါ ကလေးဟာ တစ်ဖက်သတ် ဆိုတာတွေနဲ့ ယဉ်လာပြီး သူကိုယ်တိုင်လည်း တစ်ဖက်သတ်လုပ်ရင် လုပ်လာမယ်၊ သူများက သူ့ကို တစ်ဖက်သတ် လုပ်နေလည်း ငြိမ်ခံနေတဲ့ကလေးမျိုး ဖြစ်လာနိုင်ပါတယ်။
၃။ ၀န်ဆောင်မှုပေးတတ်ခြင်း (Service orientation)
အိမ်ကို ဧည့်သည်တွေ လာတဲ့အခါ ကလေးကိုပါ ဧည့်ခံစေပါ။ အအေး၊ ကော်ဖီချပေးတာ၊ နှုတ်ဆက်စေတာ၊ ဒါမျိုးတွေ အလေ့အကျင့် လုပ်ခိုင်းပါ။ တကယ်တော့ ၀န်ဆောင်မှုဆိုတာ ကိုယ်ချင်းစာစိတ်ပါပဲ။ ငါသာ သူ့နေရာမှာဆို ဘယ်လိုမျိုးလေး အဆင်ပြေအောင် လုပ်ပေးလိုက်ရမလဲ ဆိုပြီး တွေးတတ်တဲ့ အလေ့အထရှိနေဖို့ အဓိက လိုတာပါ။ အဲဒီစိတ်လေး ငယ်ငယ်ကတည်းက ၀င်သွားရင် ကြီးလာတဲ့အခါ ပေါင်းသင်းဆက်ဆံရေးမှာ အဆင်ပြေမယ်။ ပြုံးရွှင်ချိုသာစွာနဲ့ ဘယ်သူ့ကိုမဆို နှုတ်ဆက်တတ်မယ်။ လူချစ်လူခင် များပါမယ်။
၎။ ဆုံးဖြတ်ချက်ချခြင်း (Decision making)
ကလေးကို ဒါ လုပ်၊ ဒီကို သွား ဆိုတာမျိုး မပြောဘဲ သူ့အရွယ်နဲ့ ကိုက်ညီတဲ့ ကိစ္စရပ်တိုင်းမှာ ဆုံးဖြတ်ချက်ချစေပါ။ အပြင်သွားဖို့ အကျီင်္ရွေးတယ် ဆိုပါစို့။ မိဘက ဆင်ပေးလိုက်တာမျိုး မဟုတ်ဘဲ သူ့ကို ရွေးချယ်ခိုင်းပါ။ ဘာအရောင်၊ ဘာအကျီင်္၊ ပြီးတော့မှ သူ့ရွေးချယ်မှုရဲ့ နောက်ဆက်တွဲဖြစ်နိုင်တာတွေကို ကလေးဉာဏ်မီနိုင်သလောက် ရှင်းပြပါ။ ဒါဆို နောက်ဆက်တွဲအကောင်းအဆိုးကို စဉ်းစားပြီး ဆုံးဖြတ်ချက် ချတတ်တဲ့ အလေ့အကျင့် ရှိလာပါလိမ့်မယ်။
၅။ စိတ်ပိုင်းဆိုင်ရာ အရည်အသွေးမြင့်မားခြင်း (Emotional intelligence)
EQ မြင့်ဖို့ကတော့ ခုနောက်ပိုင်းမှာ တအားကို ပြောလာကြတာ မိဘများလည်း သိပြီးဖြစ်မှာပါ။ အဓိကက စိတ်ခံစားချက်တွေကို သိဖို့၊ ထိန်းနိုင်ဖို့ပါပဲ။ တိုတိုပြောရရင် စိတ်အလိုမလိုက်ဖို့ပေါ့။ ဒီနေရာမှာလည်း မိဘတွေအနေနဲ့ ကိုယ့်ကလေးကို ပျိုးထောင်ပေးတာမျိုး လုပ်နိုင်ပါတယ်။ မနက်စောစော ကလေးက မထချင်ဘူးဆိုရင် အလိုလိုက်ပြီး ပြန်ပေးမအိပ်ပါနဲ့၊ ထခိုင်းပါ။ အဲဒီလို ကိုယ့်စိတ်ကိုယ် နိုင်နင်းတဲ့ အလေ့အကျင့်လေး ငယ်ငယ်ကတည်းက ပျိုးထောင်ပေးထားမှ ကြီးလာတဲ့အခါ EQ မြင့်သူတစ်ယောက် ဖြစ်လာနိုင်ပါတယ်။
၆။ အများနဲ့ ညှိနှိုင်းဆောင်ရွက်တတ်ခြင်း (Coordinating with others)
မောင်နှမချင်း၊ ကလေးကလေးချင်း ပေးဆော့ပါ။ လိုအပ်ရင် မိဘကပါ ၀င်ပြီးဆော့ပါ။ ဒါမှ ကလေးဟာ ညှိနှိုင်းတတ်သူ၊ မတူညီတာကို သည်းခံတတ်သူတစ်ယောက် ဖြစ်လာမှာပါ။
၇။ လူအများကို စီမံခန့်ခွဲတတ်ခြင်း (People management)
ဒါကတော့ လူတွေကို ဘယ်လိုစည်းရုံးရမယ်၊ လှုံ့ဆော်ရမယ်၊ ညှိနှိုင်းရမယ်၊ လူ့သဘော သဘာဝတွေအကြောင်း သိထားရမယ်။ ဒါကို ဆိုလိုတာပါ။ ဒီအတွက် ကလေးကို ခေါင်းဆောင်စိတ် ရှိနေအောင်၊ ကိုယ့်ကိုယ်ကိုယ် ယုံကြည်မှုရှိအောင် ပျိုးထောင်ထားဖို့ လိုပါတယ်။ ကလေးတွေအချင်းချင်း ဆော့နေတဲ့အခါ သတိထားကြည့်ကြည့်ပါ။ ကိုယ့်ကလေးက ကလေးတွေအားလုံးကြားထဲ ခေါင်းဆောင်တစ်ယောက်လို ပုံစံပေါက်နေပြီဆိုရင်တော့ ကိုယ့်ရဲ့ ပျိုးထောင်မှုဟာ လမ်းကြောင်းမှန်ပေါ် ရောက်နေပြီလို့ သတ်မှတ်နိုင်ပါတယ်။
၈။ တီထွင်ဖန်တီးနိုင်စွမ်း (Creativity)
ပန်းချီသင်ပေးတာ၊ သိပ်ငယ်လွန်းရင်လည်း ပုံတွေဆွဲစေတာ၊ အရောင်လေးတွေ ခြယ်တာ စတဲ့ ကစားနည်းတွေက ကလေးရဲ့ တီထွင်ကြံဆနိုင်စွမ်းကို မြင့်တက်စေပါလိမ့်မယ်။
၉။ ကျိုးကြောင်းဆက်စပ် တွေးခေါ်နိုင်စွမ်း (Critical thinking)
ကျိုးကြောင်းဆင်ခြင်နိုင်ဖို့ဆိုတာ အင်မတန်မှကို လိုအပ်တဲ့ကိစ္စဖြစ်ပါတယ်။ ဒီအရည်အသွေး မရှိရင် အလွယ်တကူ လိမ်ခံရမယ်။ လူ့အသိုင်းအ၀ိုင်းထဲ ရှင်သန်ဖို့ရာ မလွယ်ဘူး။ ကလေးဘ၀မှာတော့ သူတို့တွေဟ အားလုံးကို သိချင်ကြတယ်။ မေမေ ဒါက ဘာလို့အဲ့လိုဖြစ်တာလဲ၊ ဖေဖေ နေက ဘာလို့အရှေ့က ထွက်တာလဲ စတဲ့ မေးခွန်းတွေကို တတ်နိုင်သလောက် ဖြေပေးပါ။ အရှေ့က ထွက်ချင်လို့ ထွက်တာပေါ့ ဆိုပြီး စိတ်မရှည်ဘဲ ဖြေလိုက်ရင်၊ အမေးအမြန်းက ထူလိုက်တာ ဆိုတာမျိုး ပြစ်တင်မိရင် ကလေးက အဲဒီလိုဆက်စပ်တွေးခေါ်တာတွေ မလုပ်တော့ဘဲ အချက်အလက်ကိုပဲ အသေမှတ်တဲ့သူတစ်ယောက် ဖြစ်လာပါလိမ့်မယ်။
၁၀။ ပြဿနာဖြေရှင်းခြင်း (Problem solving)
ကလေးအတွက် ပြဿနာဆိုတာ ဘာများဖြစ်မလဲ။ ခဲတံကျိုးသွားတာ၊ သူ ကြိုက်တဲ့ပစ္စည်းတခုခု ပျက်စီးသွားတာ စတာတွေက သူ့အတွက် ပြဿနာတွေပေါ့။ ဒါတွေကို သူ ဘယ်လိုသဘောထားသလဲ၊ ရင်ဆိုင်ကျော်လွှားသလဲဆိုတာ အရေးကြီးပါတယ်။ အဲဒီအပြင် မိဘတွေအနေနဲ့ သူ့အတွက် ပြဿနာတွေလည်း ဖန်တီးပေးလို့ရပါသေးတယ်။ အဲဒါကတော့ ကလေးရဲ့ ဉာဏ်ရည်ဉာဏ်သွေးကို ဖွံ့ဖြိုးစေတဲ့ အရုပ်ဆက်ကစားနည်းလို နောက်ဆုံးသူလိုချင်တာ ရလာဖို့အတွက် လက်ရှိ ကြုံသလို ဆက်ထားတဲ့ အရုပ်တွေကို သူဘယ်လိုဖြေရှင်းမလဲ ဆိုတဲ့ပုံစံနဲ့ သူ့ရဲ့ ပြဿနာဖြေရှင်းမှု အရည်အသွေးကို ပျိုးထောင်ပေးလို့ရပါတယ်။
ဆယ်ကျော်သက်ချင်း တူပေမယ့်၊ လူ့လောကထဲ ရောက်တာ ၁၅ နှစ် ၁၆ နှစ်လောက် ရှိသေးတာချင်း တူပေမယ့် တစ်ယောက်က ကိုယ့်ကိုယ်ကိုယ် ယုံကြည်မှုရှိတယ်၊ စဉ်းစားတွေးခေါ်တတ်တယ်၊ လူတွေနဲ့ ပေါင်းသင်းတတ်တယ်၊ အမြင်ကျယ်တယ်၊ ပြဿနာတွေကို သူ့နည်းသူ့ဟန်နဲ့ အကောင်းဆုံးဖြေရှင်းနိုင်တယ်။ ဒါပေမယ့် နောက်တစ်ယောက်ကတော့ လူကြီးပြောမှ လုပ်တတ်တယ်၊ လူကြီးပါမှ သွားရဲလာရဲတယ်၊ အပေါင်းအသင်း မ၀င်ဆံ့ဘူး၊ ဘာမဟုတ်တဲ့ ပြဿနာလေးအတွက် အကြီးအကျယ် တုန်လှုပ်နေတယ်။
ဘာလို့ ဒီလိုတွေကွာခြားနေတာလဲ။
အကြောင်းရင်းကတော့ ရှင်းပါတယ်။ ငယ်ငယ်က သူတို့မိဘတွေက သူတို့ကို ဘယ်လိုပြုစုပျိုးထောင်ခဲ့သလဲ ဆိုတာကြောင့်ပါပဲ။
ဒါကြောင့်မို့ မိဘများအနေနဲ့ ကိုယ့်ကလေးကို ခေတ်သစ်အတွက် အဆင်သင့်ဖြစ်နေအောင် ခုကတည်းက အကောင်းဆုံး ပြုစုပျိုးထောင်နိုင်ကြစေဖို့ လိုအပ်ပါတယ်။
ဒေါက်တာ ဖြိုးသီဟ

သင့်ကလေးကို မဖြစ်မနေ ပြောပြထားရမယ့် အချက်(၇)ချက်

သက်ငယ်မုဒိမ်းမှုတွေဟာ လက်ရှိ ကျွန်တော်တို့နိုင်ငံမှာ အင်မတန်မှကို အတွေ့ရများနေတဲ့ ပြဿနာတစ်ရပ် ဖြစ်ပါတယ်။ ဆင်းရဲပြီး ပညာမတတ်၊ လူနေမှုအဆင့်အတန်း နိမ့်ကျတဲ့အသိုင်းအ၀ိုင်းမှာ ဒီပြဿနာတွေ ဖြစ်နိုင်ချေ ပိုများပေမယ့် ဘယ်ကလေးမဆို ကြုံတွေ့ရနိုင်ပါတယ်။ လက်ရှိအရွယ်ရောက်ပြီးသား အမျိုးသား၊ အမျိုးသမီးတွေနဲ့ စကားပြောကြည့်တဲ့အခါ အဓမ္မပြုကျင့်မှုလောက်ထိ မဟုတ်တောင် လိင်ပိုင်းဆိုင်ရာ အကြမ်းဖက်မှုတွေကို ပုံစံတစ်မျိုးမျိုးနဲ့ ငယ်စဉ်အခါက ကြုံတွေ့ခဲ့ကြရဖူးတာကို အံ့အားသင့်ဖွယ် သတိထားမိခဲ့ပါတယ်။
ကလေးတွေဟာ လူကြီးထက်စာရင် အသိပညာနည်းပါတယ်။ ခွန်အားနည်းပါတယ်။ ဒီအတွက် ကလေးကို အလွယ်တကူ အနိုင်ကျင့်လို့ ရတယ်။ အကြမ်းဖက်လို့ ရတယ်။ ဒါက လူကြီးနဲ့ ကလေးကြားက ကွာခြားချက်တွေ။ ကလေးတစ်ယောက်ကို တွေ့တဲ့အခါ ကိုယ်ကျင့်သိက္ခာ ကောင်းသူက ဒီကွာခြားချက်ကို အလွဲသုံးစား မလုပ်ဘူး။ ကလေးကို စောင့်ရှောက်ပေးမယ်။ ကာကွယ်ပေးမယ်။ ဒီလို ကိုယ်ကျင့်သိက္ခာ မကောင်းသူကတော့ ကလေးတစ်ယောက်ကို တွေ့တဲ့အခါ အနိုင်ကျင့်စရာလို့ မြင်မယ်။ အကြမ်းဖက်စော်ကားမယ်။ ဘာလို့ဆိုတော့ ကလေးပဲ၊ ငါဘာလုပ်လဲ သိမှာမှမဟုတ်တာလို့ တွေးတာကိုး။ ဒါကြောင့်မို့ ကလေးတွေကို သိအောင် ပြောပြထားရမယ်။ ဒါမှ ဒီလိုလုပ်တာဟာ သူတို့ကို မကောင်းတဲ့အပြုအမူတစ်ခု လုပ်နေတာပါလား ဆိုတာ သိလိမ့်မယ်။
ဒါမှ လက်မခံဘဲ ငြင်းဆန်နိုင်လိမ့်မယ်။ ဒီအတွက် ကလေးတွေကို ဘာတွေ သင်ပေးထားဖို့ လိုမလဲ။
၁။ ရင်သား၊ တင်ပါးနဲ့ လိင်အင်္ဂါ စတဲ့ ခန္ဓာကိုယ်အစိတ်အပိုင်းတွေဟာ သီးသန့်ဆန်တဲ့ Private parts တွေ ဖြစ်တာကြောင့် ဘယ်သူပဲဖြစ်ဖြစ် အဲဒီနေရာတွေကို လာကိုင်ရင် လုံးဝလက်သင့်မခံဖို့ မှာထားပါ။ အဖေနှင့်အမေကလွဲပြီး ဘယ်သူကမှ အဲဒီအစိတ်အပိုင်းတွေကို အ၀တ်မပါဘဲ မမြင်သင့်ကြောင်း ပြောပြပါ။ ကလေးတချို့ဟာ ဒီလိုကိစ္စတွေ ကြုံရတဲ့အခါမှာ ဘာလုပ်လို့ လုပ်လိုက်မှန်းတောင် မသိကြပါဘူး။ အကြောင်းကတော့ လူကြီးတွေက ပြောပြမထားကြလို့ပါ။
၂။ ဘယ်သူတစ်ဦးတစ်ယောက်ကမှ သူတို့ရဲ့ အဲဒီအစိတ်အပိုင်းတွေကို ဓါတ်ပုံရိုက်ခွင့် မရှိကြောင်းလည်း ပြောထားပါ။ ကမ္ဘာမှာဆိုရင် ကလေးသူငယ်နဲ့ လိင်ဆက်ဆံရတာကို တပ်မက်တဲ့သူတွေဆီ အဲဒီဓါတ်ပုံတွေ ရောင်းချတာမျိုးက လိင်လုပ်ငန်းတစ်ခုအနေနဲ့ တွင်တွင်ကျယ်ကျယ်ကို ရှိပါတယ်။
၃။ အဲဒီလိုပဲ တစ်ဦးတစ်ယောက်ကနေ သူ့ရဲ့ အဲဒီလိုအစိတ်အပိုင်းတွေကို ကိုင်ကြည့်ဖို့ ကလေးကို ပြောလာရင်လည်း လက်သင့်မခံဖို့ ပြောထားပါ။ ဘာလို့ဆိုတော့ ကျူးလွန်သူတွေဟာ ကလေးကို အဲဒီလိုကိုင်ကြည့်ခိုင်းခြင်းဖြင့် အဓမ္မပြုကျင့်မှုကို စတင်တတ်ကြလို့ပါပဲ။
၎။ ဖြစ်သမျှအကြောင်း အကုန်အစင်ကို မိဘကို ထုတ်ဖော်ပြောခြင်းကသာ သူတို့အတွက် ဘေးကင်းမှာဖြစ်ကြောင်း ကလေးကို အသိပေးထားပါ။ လူကြီးကို ပြန်ပြောရင် သတ်ပစ်မယ်၊ ဒုက္ခပေးမယ်ဆိုပြီး ကျူးလွန်သူတွေဟာ ကလေးတွေကို ခြိမ်းခြောက်ထားတတ်ကြလို့ ဖြစ်ပါတယ်။
၅။ မူမမှန်တဲ့ အခြေအနေတွေ ဖြစ်လာရင်၊ ဒါမှမဟုတ် ဖြစ်နေတယ်လို့ ခံစားရရင် ချက်ချင်းရှောင်ထွက်ဖို့ အသိပေးပါ။ လူကြီးမိဘဆီ လျှို့ဝှက်ဆက်သွယ်နိုင်အောင်လည်း သင်ပေးထားပါ။ (ကလေးနဲ့မိဘသာ သိတဲ့ဆက်သွယ်မှုမျိုး ဥပမာ သီချင်းတစ်ပုဒ်ဆိုလိုက်တာ၊ ထူးခြားသောအသံတခုခု ပြုတာ) တအားရုန်းကန် အော်ဟစ်ပြန်ရင်လည်း ကလေးကို တခုခု အန္တရာယ်ပေးလိုက်မှာ စိုးရိမ်ရပြန်ပါတယ်။ ဒါကိုလည်း သတိထားစေချင်တယ်။
၆။ ကလေးဆီမှာ လျှို့ဝှက်ထားတာ ဘာတစ်ခုမှ ရှိမနေစေဖို့ မှာထားပါ။ နည်းနည်းကြီးတဲ့ ကလေးက ကလေးအချင်းချင်း ပြုလုပ်တာမျိုးရှိနိုင်ပြီး၊ နင် ငါနဲ့ကစားရတာ ပျော်ရင် ဒီကိစ္စကို လျှို့ဝှက်ထားကြေး ဆိုတာမျိုးနဲ့ ကလေးကို မှာထားတတ်ကြတယ်။
၇။ အခုသင်ပေးခဲ့သမျှတွေအားလုံးဟာ သူစိမ်းများနဲ့သာ သက်ဆိုင်တာမဟုတ်ဘဲ မိသားစုဝင်များ၊ ဆွေမျိုးများ၊ ရင်းနှီးသူများနဲ့ ကလေးအချင်းချင်းမှာပါ အဲဒီလိုပြုမူမှုများ ရှိလာရင် လူကြီးမိဘကို အသိပေးဖို့လိုမှာဖြစ်ကြောင်း အသိပေးထားပါ။ အမေရိကန်နိုင်ငံမှာ လုပ်ထားတဲ့ စစ်တမ်းအရ ကလေးသူငယ်အဓမ္မပြုကျင့်မှုတွေမှာ သူစိမ်းပြုကျင့်တာက ၇ ရာခိုင်နှုန်းသာ ရှိပြီး ကျန် ၉၃ ရာခိုင်နှုန်းမှာတော့ ရင်းနှီးသူတွေရဲ့ ပြုကျင့်ခြင်းကို ခံခဲ့ကြရတာ ဖြစ်ပါတယ်။ ကျွန်တော်တို့မြန်မာနိုင်ငံမှာလည်း စစ်တမ်းရယ်လို့ ခိုင်ခိုင်မာမာ မရှိသေးပေမယ့် လတ်တလော တွေ့ရှိချက်တွေအရ ရင်းနှီးသူများကသာ ပြုကျင့်နေကြတာ များပါတယ်။ ဒါကြောင့်မို့ ကလေးမိဘတွေ၊ အုပ်ထိန်းသူတွေအနေနဲ့ ကိုယ့်ကလေးကို ဒီလို အသိပညာတွေ ပေးထားခြင်းဖြင့် ကလေးတွေအတွက် မှန်ကန်တဲ့ ကာကွယ်ပေးမှုတွေ လုပ်ထားကြဖို့ လိုပါတယ်။

ရေးသားသူ Dr. Phio Thiha

Extrovert or Introvert.

လူနှစ်မျိုးရှိတယ်ဆိုတာ သိထားရပါမယ်။ တစ်မျိုးက extrovert တစ်မျိုးက introvert.
ကိုယ့်typeက Introvert လား extrovert လား သိထားရင် နည်းနည်းသက်သာတယ်။ ဘာလို့လဲဆိုတော့ introvert တွေကို လူတွေက သိပ်နားမလည်ကြဘူး။ သူတို့ အထင်က တစ်မျိုးဖြစ်လေလေ ကိုယ်ကလည်း ကိုယ့်ကိုယ်ကိုယ် စိတ်ပျက်မိလေလေ ဖြစ်တတ်လို့ပါ။
introvert က လူများများနဲ့ ရောလို့မရဘူး။ စကားများများ မပြောတတ်ဘူး။ လူအများစုဝေးကြပြီဆို သူက ဒေါင့်တစ်ဒေါင့်မှာ ကပ်ပြီး တိတ်တိတ်လေး ကြည့်နေတတ်တယ်။ သူတစ်ယောက်တည်း အဲလို ကြည့်နေရတာကို ကြိုက်တယ်။ သူ့ကို လူတွေစကားလာပြောရင် ဘာပြန်ပြောရမှန် ရုတ်တရက် မသိလို့ လူတွေစကားလာများတာကို စိတ်အနှောင့်အယှက်ဖြစ်တယ်။ ဒါပေမယ့် ခင်တဲ့ မင်တဲ့သူတွေကိုတော့ တစ်ခွန်းခြင်း အေးအေးဆေးဆေး အကြာကြီး ပြောနိုင်တယ်။
သူနဲ့ စကားပြောရမယ့်သူကို ရွေးသလို ပြောမယ့်အကြောင်းအရာကိုလည်း ရွေးတယ်။ စကားစုံအောင် မပြောတတ်ဘူး။ တောင်ရောက် မြောက်ရောက် မပြောတတ်ဘူး။ အာလာပသာလာပလည်း မပြောတတ်ဘူး။
စခြင်းနောက်ခြင်း လုပ်ခဲတယ်။ ရွှတ်နောက်နောက် မနေတတ်ဘူး။ သူများရွှတ်နောက်နောက်လုပ်ရင်လည်း သူနားမလည်နိုင်ဘူး။
လူတွေနဲ့ပတ်သက်ပြီး စိတ်ပင်ပန်းတတ်တယ်။
သိပ္ပံပညာရှင်တွေ တွေးခေါ်ပညာရှင်ကြီးအာကာသယာဉ်မှုးတွေ ဆေးပညာရှင်တွေ တော်တော်များများက introvert တွေ။ သူတို့ introvert ဖြစ်လို့သာ တစ်ယောက်တည်း နာရီပေါင်းများစွာ ရက်ပေါင်းများစွာ နေပြီး အလုပ်လုပ်နိုင်တာ။ introvert မဟုတ်ရင် တစ်ယောက်တည်း အချိန်အကြာကြီး မနေနိုင်ဘူး။
extrovert က ကျတော့ အဲသလို မဟုတ်ဘူး။ extrovert က လူတွေနဲ့ထိတွေ့ပြောဆိုဆက်ဆံနေရမှ။ သူငယ်ချင်းတွေ အပေါင်းအဖော်တွေနဲ့ တရုံးရုံးလုပ်နေရမှ။ သူ့မှာ သူငယ်ချင်းတွေလည်း အများကြီးရှိတယ်။ သူ့သူငယ်ချင်း အပေါင်းအသင်းနဲ့ တွေ့ရတော့မယ်ဆိုရင်ကို အူတွေမြူးပြီး ပျော်နေတာ။ လူအသစ်တွေနဲ့ ခင်လွယ်မင်လွယ် ရင်းနှီးလွယ်တယ်။
introvert က သူငယ်ချင်း နည်းနည်းပဲထားတယ်။ ပြီးတော့ သူတို့က လူအသစ်တွေနဲ့ မပေါင်းချင်ဘူး။ လူဟောင်းတွေနဲ့ပဲ ရိုးရိုးပဲ ပေါင်းသင်းဆက်ဆံနေသွားချင်တာ။
extrovert ကို လူတွေက ပိုခင်ကြတယ်။ ဘာလို့လဲဆိုတော့ သူက စကားပြောနေရရင် ကြိုက်တဲ့သူဆိုတော့ လူတွေက သူနဲ့တွေ့ရင် မပျင်းရလို့လေ။
ဘာပြောရပြောရ ပြောနေရရင် ပြီးရော ကြိုက်တယ် ဆိုတဲ့သူဖြစ်နေတော့ သူက စမယ် နောက်မယ် သူ့အကြောင်းကိုယ့်အကြောင်း ဘာမှအရေးမကြီးတဲ့အကြောင်းလည်း ပြောတယ် ၊ လူတွေရဲ့ ခင်မင်မှုကိုရတာ ကြိုက်တယ် ဆိုတော့ introvert နဲ့ extrovert ယှဉ်လိုက်ရင် extrovert က လူချစ်လူခင်များပါတယ်။
introvert က အကြောင်းအရာရွေးတယ် ၊ ဒါအပြင် ပြောမယ်ကြံပြီးခါမှ တော်ပါပြီလေ မပြောလည်း ရတာပဲ ဆိုပြီး သူက ပါးစပ်ပိတ်သွားရော။ အဲဒီတော့ လူတွေ ဟင် သူက ငါတို့ကို မခင်ဘူး မခင်လို့ ဘာစကားမှ မပြောတာ မခင်လို့ ငါတို့နဲ့ မရောတာလို့ ထင်သွားတတ်တယ်နော်။ အမှန်တော့ သူက မခင်တာ မဟုတ်ဘူး ခင်ပါတယ် ၊ ဒါပေမယ့် introvert ဖြစ်နေတော့ သူက အတွင်းလှည့်ဖြစ်နေတယ်။ သူ့အတွင်းထဲကို ပြန်ပြန်လှည့်ကြည့်ပြီး သူ့အတွင်းထဲက မပြောပဲနေလို့ရရင် မပြောတော့ဘူး။
ပြောပြီး ပြီးရော ဆိုတဲ့သူလည်း မဟုတ်ဘူး ၊ ပြောပြီး ပြန်ပြန်စဉ်းစားတယ် ၊ အဲဒါက ဘယ်လို ၊ ဟိုဟာက ဘယ်လို စသဖြင့် ၊ ပြီးတော့ သူက အဲဒါတွေ အကုန်လုံးကို အစာချေသလို ပြန်ချေတယ်။ ပြန်တွေးပြီး အစာချေသလို ချေလိုက်ရမှကို သူက နေသာထိုင်သာ ရှိတယ်။
သူမှားသွားရင် သူ့အမှားသူ တနုံ့နုံ့နဲ့ တွေးမပြီးတော့ဘူး။ လူတွေအတွက် ဘာမှ seroius ဖြစ်စရာမလိုတာကို သူက ဖြစ်နေတော့ သူ့မှာ မပြီးနိုင်မစီးနိုင်ဖြစ်နေတာကို လူတွေက စိတ်မရှည်ဘူး။ သူများက ပြီးပြီ ၊ မေ့သွားပြီ ၊ သူက မပြီးသေးဘူး ပြောနေတုန်း ။ ကြာတော့ သူ့ကို အဲဒါကြီး မေ့လိုက်ပါတော့ကွာလို့ ပြောယူရတဲ့အထိပဲ serious ဖြစ်တတ်တယ်။
ဒီနေရာမှာ extrovert က အေးဆေးပဲ။ သူမှားသွားလည်း သိပ်စိတ်မပူဘူး။ ဘာလို့လဲဆိုတော့ သူ့ကို လူတွေက ဒီလောက်ကြီး seroius ဖြစ်နေမှာ မဟုတ်ဘူးလို့ သိထားလို့။ လူတွေကို သူကလည်း သိပ်serious ဖြစ်မနေဘူး။ အခင်အမင်ပျက်တယ် ဆိုတာ မပျော်တတ်တဲ့သူတွေကြားမှာ ဖြစ်ကြတာလို့ သူယုံကြည်တယ်။ တစ်ယောက်နဲ့တစ်ယောက် ခင်ကြတယ်ဆိုရင် စ နောက် အမှားပါလည်း ခွင့်လွှတ်လိုက် အကြာကြီး သိပ်တွေးမနေနဲ့ ဆိုတဲ့သူမျိုး။
introvert က လူရွေးပေါင်းသလို သူတို့ခင်မိရင်လည်း တစ်သက်တာပဲ။ သူတို့တကယ်ခင်တဲ့သူ သူတို့ကို စိတ်ဆိုးမှာ သိပ်ကြောက်တတ်တယ်။ စိတ်ဆိုးသွားရင်လည်း သူတို့မှာ ဘာလုပ်ရမှန်း မသိအောင်ဖြစ်တတ်ကြတယ်။ ချော့တယ် ဆိုတာ သူတို့သိပ်မလုပ်တတ်ဘူး ။ ဒါပေမယ့် သူတို့ ချစ်တဲ့ခင်တဲ့သူအတွက် အနစ်နာခံရဖို့ ဝန်မလေးတတ်ပါဘူး။ လိုလိုလားလား အနစ်နာခံတတ်ကြပါတယ်။
ချစ်မိပြီဆို စွဲစွဲမြဲမြဲချစ်တဲ့သူမျိုးပါ။ စိတ်ပျက်လို့ ဟင်ခနဲ ဆိုလည်း လှည့်ကိုမကြည့်တော့ဘူးဆိုတဲ့သူတွေပါ။ သူတို့ကို နားလည်နိုင်တဲ့သူ ရှားလို့ တစ်ကိုယ်တည်း အထီးကျန်နေတတ်ကြတာလည်း များပါတယ်။
ကိုယ်ဟာ introvert တစ်ယောက်ဖြစ်နေရင် introvertတွေဟာ လူ့လောကမှာ နေရတာ အခက်တွေ့ရတာ ပိုများတယ် ဆိုတာ သဘောပေါက်ထားရမယ် အဲဒါ ဘာ့ကြောင့်ဆိုတာ နားလည်ထားဖို့ လိုပါတယ်။
တကယ်တော့ introvert စစ်စစ် extrovert စစ်စစ် ဆိုတာ ဖြစ်ခဲပါတယ်။ နည်းနည်းရောနေတတ်တာချည်းပါ။
အဲဒီတော့ ကိုယ့်ကိုယ်ကိုယ် introvert ဘက်များတယ် ဆိုရင်တောင် extrovert လေးနည်းနည်း ရှိပါသေးတယ်။ လူတွေနဲ့ ရောရောနှောနှော ရီရီမောမောလေး အချိန်အတိုင်းအတာလေး တစ်ခုထိတော့ နေလို့ရပါတယ် ၊ ပျော်ရမှာပါ။ အကြာကြီးသာ မရတာ။ ကိုယ့် Type ကိုကိုယ်သိပြီး အကောင်းဆုံးဖြစ်အောင် လုပ်ယူသွားလို့ရပါတယ်။ တစ်ခါတလေ introvert တစ်ယောက်က လိုအပ်ရင် extrovert ဖြစ်လို့ရသေးတယ်။ အမြဲတမ်းကြီးတော့ မဖြစ်နိုင်ဘူးပေါ့။ တချို့လည်း ငယ်တုန်းမှာ extrovert ဖြစ်ပြီး အသက်ကြီးလာတော့ introvert ဘက်ကို ပြောင်းလဲလာတာမျိုးလည်း ရှိတယ်။
ဘယ်လိုပဲဖြစ်ဖြစ်လေ တစ်ယောက်တည်းလည်း ပျော်မှဖြစ်မယ် ဆိုတာ သတိမမေ့ဖို့ အရေးကြီးပါတယ်။
ကိုယ့်အကြောင်းလေးကိုယ် သိထားပြီး ကိုယ့်အတိုင်းအတာလေးနဲ့ကိုယ် လူတွေနဲ့ ခင်ခင်မင် ပြောဆို ဆက်ဆံမိဖို့ အလေ့အကျင့် လုပ်သင့်ပါတယ်။ မကြောက်ပါနဲ့။ နည်းနည်းလည်း စိတ်ပင်ပန်းခံသင့်ပါတယ်။ သိပ်အများကြီးတော့ မခံပါနဲ့။ လူတချို့ဟာ ခင်စရာကောင်းပါတယ်။ သူတို့ကို စိတ်ထဲမှာထားပြီး လူလူချင်းဆက်ဆံရေးကို မြတ်နိုးပါ။
လူတွေကို ရိုးရိုးသားသား ခင်မင်မိလို့ ခံရမယ်ဆိုလည်း လူ့လောကမှာ လူတစ်ယောက်အနေနဲ့ ပြည့်ပြည့်ဝဝ နေသွားလိုက်ရချင်တဲ့သူအတွက် အဲဒီအတွက်ခံလိုက်ရဖို့ ဘာမှ တွန့်ဆုတ်နေစရာမရှိပါဘူး။ လူတွေကို မရိုးမသားနဲ့ ဟန်လုပ်ပြီး မဆက်ဆံမိဖို့ပဲ လိုတာပါ။
ဆက်ဆံရေးဟာ အနုပညာတစ်မျို့းပါ။ ပညာတစ်မျိုးပါ။
ဒီဆက်ဆံရေးနဲ့ပဲ ပျော်ရွှင်မှုတွေ ရရတာ စိတ်ချမ်းသာမှုတွေ ရရတာ နွေးထွေးလုံခြုမှုတွေ ရရတာ နော်။
ဒီဆက်ဆံရေးတွေကြောင့်ပဲ မေတ္တာတွေ စေတနာတွေ ဖြစ်ခွင့်ရနေတာနော်။
မွန်မြတ်တဲ့ ကောင်းမွန်တဲ့ လှပတဲ့ ဆက်ဆံရေးဟာ စိတ်ဓာတ်ကို ရင့်ကျတ်စေပါတယ် ... ဂုဏ်သိက္ခာတွေကို ဖြစ်ထွန်းစေပါတယ်။

ပရော်ဖက်ရှင်နယ်ဆိုတာ

ကျွန်တော်ဟာ ၀ယ်ပြီးခါစ Levi’s ကိုဆွဲပြီး Shopping Mall ထဲကထွက်လာတယ်..။ အပေါက်ဝမှာသူငယ်ချင်းတစ်ယောက်ကို စောင့်နေတုန်း professional သူတောင်းစားတစ်ယောက် ကျွန်တော့်ကို တွေ့သွားတယ်.။ ကျွန်တော့်ရှေ့မှာ လာရပ်တယ်..။
“ညီလေးရယ်…..သနားပါကွယ်..။ နည်းနည်းလောက် သနားခဲ့ပါ” ကျွန်တော်လည်း ပျင်းပျင်းနဲ့ အိပ်ကပ်ထဲက အကြွေစေ့တစ်စေ့ ထုတ်ပေးလိုက်တယ်.။ ပြီးတော့ သူနဲ့ စကားပြောဖြစ်သွားတယ်.။အဲဒီသူတောင်းစားက အရမ်းစကားပြောလို့ကောင်းတယ်.။
………ကျွန်တော်က ဒီဘက်တစ်ကြောမှာပဲ တောင်းဖြစ်တယ်.။ သိလား။ ခင်ဗျားကို ကျွန်တော် အစောတည်းက တွေ့တယ်။ ဒီShopping Mall မှာ Levi’s ၀ယ်တည်းက ပိုက်ဆံမနှမျောဘူးဆိုတာ ကျွန်တော်သိတယ်……………”
ကျွန်တော် အရမ်းအံ့သြသွားပြီး ပြောမိတယ်…”ခင်ဗျား နားလည်တာ များသားပဲ..”
“သူတောင်းစား လုပ်တယ်ဆိုတာလဲ၊ သိပ္ပံနည်းကျ လုပ်ရတယ်ဗျ”လို့သူကပြောတယ်..။
ကျွန်တော်ကြောင်သွားတယ်…။ စိတ်ဝင်စားသွားပြီး သူ့ကို “ဘယ်လို သိပ္ပံနည်းကျလဲဗျ၊
လုပ်စမ်းပါဦး”လို့ မေးလိုက်တယ်..။
သူက “ကျွန်တော့်မှာ တစ်ခြား သူတောင်းစားနဲ့ မတူတဲ့အချက် ဘာတွေရှိလဲ ခင်ဗျား အရင် ကြည့်ပါဦး” လို့ပြန်ပြောတယ်.။
ကျွန်တော် သူ့ကို စေ့စေ့စပ်စပ် အကဲခတ်လိုက်တယ်.။ ဆံပင်တွေ ရှုပ်ပွနေတယ်၊ အင်္ကျီအ၀တ်အစားတွေ စုတ်ပြတ်နေတယ်.။ အရမ်းပိန်တယ်..။ ဒါပေမယ့် ပေရေမနေဘူး.။
သူကကျွန်တော့်အတွေးတွေကို စကားသံနဲ့ ဖြတ်လိုက်တယ်..။ “လူတွေက သူတောင်းစားဆို ရွံကြတယ်ဗျ၊ ဒါပေမယ့် ခင်ဗျားကျွန်တော့်ကို မရွံဘူးဆိုတာ ကျွန်တော် ပြောရဲတယ်..။ အဲဒါက ကျွန်တော် တစ်ခြားသူတောင်းစားတွေနဲ့ မတူတဲ့အချက်ပဲ..။”
ကျွန်တော် ခေါင်းငြိမ့်ဝန်ခံလိုက်တယ်.။ အဟုတ်ကို ရွံစရာမကောင်းပါဘူး..။ မဟုတ်ရင် ကျွန်တော် ဘယ်လိုလုပ် သူတောင်းစား တစ်ယောက်နဲ့ စကားလက်ဆုံကျနေပါ့မလဲ..။
” ကျွန်တော် SWOT (Strengths, Weaknesses, Opportunities and Threats) ခွဲခြမ်းစိတ်ဖြာနည်းကို နားလည်တယ်။ ကျွန်တော့်ရဲ့ ပြိုင်ဘက်တွေကြားမှာ ကျွန်တော့်ရဲ့ strength ဟာ ရွံစရာကောင်းမနေတာပါ။ Opportunities နဲ့ Threats ကတော့ အပြင်က အခြေအနေတွေပါ။ ဒီမြို့မှာ လူဦးရေများတာတို့၊ မြို့ရဲ့ အင်္ဂါရပ်ကို မြှင့်တင်မှာတို့ပေါ့ဗျာ”
“ကျွန်တော် အသေးစိတ်တွက်ချက်ဖူးတယ်ဗျ။ ဒီနေရာမှာ တစ်နေ့ကို လူဦးရေ သောင်းဂဏာန်းလောက် ဖြတ်သန်းသွားလာနေတာ.။ ဆင်းရဲတဲ့သူတွေများတယ်။
ဒါပေမယ့် ပိုက်ဆံချမ်းသာတဲ့သူတွေ ပိုများတာပေါ့ဗျာ.. သီအိုရီအရ ပြောရရင် အကယ်၍ ကျွန်တော်ဟာ တစ်ရက်ကို လူ၁ယောက်ဆီက တစ်ကျပ်ပဲတောင်းဦးတော့၊ ၁လကို သုံးသိန်းလောက်ဝင်နိုင်တယ်..။
ဒါပေမယ့် လူတိုင်းက ပေးမှာမဟုတ်ဘူးလေ၊ ပြီးတော့ ကျွန်တော်လည်းတစ်နေ့တည်းနဲ့ လူအဲလောက်အများကြီးဆီက တောင်းဖို့ဆိုတာ မဖြစ်နိုင်ဘူး.။ အဲဒါကြောင့် ကျွန်တော် ခွဲခြမ်းစိတ်ဖြာရတယ်၊ ဘယ်ဟာတွေကတော့ target customer၊ ဘယ်ဟာတွေကတော့ potential customers ဆိုတာပေါ့ဗျာ”
သူက တံတွေးမျိုပြီး ဆက်ပြောပြန်တယ်..”ဒီဘက်ပိုင်းမှာ ကျွန်တော့်ရဲ့ target customers က စုစုပေါင်း ဖြတ်သန်းသွားလာနေတဲ့လူအရေအတွက်ရဲ့ ၃၀ရာခိုင်နှုန်းပေါ့..၊ အောင်မြင်နိုင်ခြေက ၇၀%ရှိတယ်..။
potential customers က ၂၀% ရှိတယ်၊ အောင်မြင်နိုင်ချေက ၅၀%၊ ကျန်တဲ့ ၅၀%ကတော့ကျွန်တော် လက်လျှော့ဖို့ ရွေးချယ်လိုက်တယ်.။ ကျွန်တော့်မှာ သူတို့နဲ့ ကံစမ်းနေဖို့အချိန်မလောက်လို့””အဲဒါဆို ခင်ဗျားရဲ့ customer ကို ခင်ဗျား ဘယ်လို သတ်မှတ်လဲ” ကျွန်တော် မေးလိုက်မိတယ်..။
“အရင်ဆုံး target customer ကို ပြောပြမယ်။ ခင်ဗျားတို့လို လူငယ်တွေပေါ့၊ ၀င်ငွေရှိတယ်.။
ရက်ရောတယ်။ ဒါ့အပြင် စုံတွေရောပဲ။ သူတို့က တစ်ဖက်သားရှေ့မှာ မျက်နှာပျက်မခံချင်လို့၊ ရက်ရက်ရောရော ပေးတတ်ကြတယ်၊ ဒုတိယအနေနဲ့က တစ်ယောက်တည်းဖြစ်နေတဲ့ မိန်းမလှလေးတွေကို ကျွန်တော်က potential customer လို့ သတ်မှတ်ထားတယ်..။
သူတို့ကရှုပ်ရှုပ်ယှက်ယှက်တွေကြောက်တတ်ကြတော့၊ အများအားဖြင့် ပေးတတ်ကြတယ်။ အဲဒီ လူအုပ်စု၂မျိုးလုံးကို အသက် ၂၀ကနေ ၃၀ကြားကို ထားတယ်.။
သိပ်အသက်ငယ်ရင်လည်း ၀င်ငွေသိပ်မရှိတတ်ကြဘူးလေ။ အသက်အရမ်းကြီးရင်လည်းအိမ်ထောင်ကျပြီးလောက်ပြီ။ ငွေရေးကြေးရေး မိန်းမက ထိန်းချုပ်နေပြီ။ အဲလို လူတွေက ဘာမှ မျှော်မှန်းစရာ သိပ်မရှိဘူး”
“အဲဒါဆို ခင်ဗျားတစ်နေ့ကို ဘယ်လောက်လောက် ရတတ်သလဲ”ကျွန်တော် မေးလိုက်တယ်.။
“Monday to Friday ကတော့ နည်းနည်း ပါးတယ်ဗျ၊ ဒေါ်လာ၂၀၀လောက်တော့ ရတာပေါ့..။ စနေ၊ တနင်္ဂနွေဆိုရင် လေးငါးရာလောက်တော့ ရတာပေါ့ဗျာ”
“အဲလောက်တောင် များများ ရလား”
ကျွန်တော်နည်းနည်း သံသယရှိနေတာ တွေ့တော့ သူက ကျွန်တော့ကို တွက်ပြတယ်..။”ခင်ဗျားတို့လိုပဲ ကျွန်တော်လည်း ၁ရက်ကို ၈နာရီ အလုပ်လုပ်တယ်ဗျာ။ မနက် ၁၁နာရီကနေ ည ရနာရီထိ၊ စနေ၊တနင်္ဂနွေလည်း မနားဘူး။ ကျွန်တော် တခါတောင်းတဲ့ ကြာချိန်က ၅မိနစ်ပေါ့။
လမ်းလျှောက်ပြီး ပစ်မှတ်ရှာတဲ့ အချိန်တွေကို နှုတ်လိုက်ရင်၊ အကြမ်းအားဖြင့် ၁မိနစ်ကို ၁ယောက်၊ဒေါ်လာ ၁ကျပ်နှုန်းနဲ့ရတယ်။ ၈နာရီဆိုတော့ဒေါ်လာ ၄၈၀ ရတာပေါ့။ ပြီးတော့မှ အောင်မြင်နိုင်ခြေ ၆၀% (၅၀%+၇၀%)/၂ နဲ့ မြှောက်လိုက်ရင် ၊ ၃၀၀ နီးပါးလောက်ရတာပေါ့။ customer ကို အမြီးဆွဲပြီး တစ်လမ်းလုံး လျှောက်လိုက်နေလို့ လုံးဝမဖြစ်ဘူး၊ ဘာလို့လဲဆိုတော့ သူသာ ပေးချင်ရင် အစောတည်းက ပေးပြီးနေပြီလေ။ အဲဒါကြောင့် ဇွတ်လိုက်နေလည်း အောင်မြင်ချင်မှ အောင်မြင်မှာကိုး။
အဲဒါကြောင့် အကန့်အသတ်ရှိတဲ့ အချိန်တွေကို မပေးချင်တဲ့ customer ဆီမှာ မဖြုန်းပစ်ရဘူး။ နောက်တစ်ယောက် ရှာတာကမှ ဟုတ်သေးတယ်။”
ကောင်းလှချည်လား။ ဒီသူတောင်းစားမခေဘူးပဲ။ ရုပ်နဲ့တောင်မလိုက်ဘူး။
ပြောတဲ့စကားတွေက ၀ါရင့် Marketing Supervisor လားကျနေတာပဲ..။
“ခင်ဗျား ဆက်ပြောပါ။” ကျွန်တော် ပိုစိတ်ဝင်စားလာတယ်..။ ဒီနေ့တော့ ပညာတွေရပြီ..။
“တစ်ချို့က သူတောင်းစားဟာ ကံကိုမှီပြီး စားရတယ်လို့ ပြောကြတယ်။ ကျွန်တော်ကတော့ အဲလို မသတ်မှတ်ဘူး။ ဥပမာ ပြောမယ်ဗျာ..။ မိန်းကလေးပစ္စည်းတွေချည်းပဲ ရောင်းတဲ့ဆိုင်ရှေ့မှာ အမျိုးသားချောချော၁ယောက်နဲ့၊ ကောင်မလေး ချောချောလေး ၁ယောက်ရပ်နေရင် ဘယ်၁ယောက်ကို ခင်ဗျား တောင်းမလဲ။” ကျွန်တော်စဉ်းစားလိုက်ပြီး၊ မသိဘူးလို့ ဖြေလိုက်တယ်..။
“ခင်ဗျား ယောက်ျားလေးကို သွားတောင်းသင့်တယ်.။ ဘေးမှာ မိန်းမချောလေး ရပ်နေတော့၊ သူမပေးဘဲ နေရမှာ ရှက်လိမ့်မယ်။ ကောင်မလေးသာ သွားတောင်လို့ကတော့ ကြောက်ချင်ယောင်ဆောင်ပြီး ဝေးဝေး ရှောင်သွားလို့ရတာပေါ့။”
“ခင်ဗျားကို နောက်ဥပမာ၁ခု ထပ်ပေးမယ်။ တစ်နေ့က shopping mall ၁ခု ရှေ့မှာ ပစ္စည်းဝယ်ပြီးခါစ ထွက်လာတဲ့ အထုပ်တွေနဲ့ မိန်းမငယ် ၁ယောက်ရယ်၊ ရေခဲမုန့်စားနေတဲ့ လူငယ်ပိုင်း စုံတွဲ၁တွဲရယ်၊ သပ်သပ်ရပ်ရပ် ၀တ်စားထားတဲ့ laptop အိတ်ဆွဲထားတဲ့ လူငယ်တစ်ယောက်ရယ်ရှိနေတယ်။
ကျွန်တော် လူတစ်ယောက်ကို သုံးစက္ကန့်စာလောက်ပဲ အကဲခတ်လိုက်တယ်.။ ပြီးတော့ ကောင်မလေးဆီကို သွားတောင်းလိုက်တယ်။ သူက အိတ်ထဲက အကြွေစေ့ ၂စေ့ကို နှိုက်ပေးပြီး ထူးဆန်းတကြီးကျွန်တော့်ကို ဘာလိုသူ့မှတောင်းတာလဲလို့ မေးတယ်။ ကျွန်တော်က ဟိုစုံတွဲက ရေခဲမုန့်စားနေကြတာ၊ ပိုက်ဆံနှိုက်ဖို့လက်မအားဘူး၊ ဟို ယောက်ျားကတော့ အရာရှိပိုင်း ကုမ္ပဏီ ၀န်ထမ်းဆိုတော့ အကြွေမပါလောက်ဘူး၊ မင်းကတော့ ခုမှ ပစ္စည်းဝယ်ပြီးထွက်လာတာဆိုတော့၊ သေချာပေါက် အကြွေပါမှာကြောင့်လို့ ပြန်ဖြေလိုက်တယ်.။”
ယုတ္တိရှိသား! ကျွန်တော်နားထောင်လေ စိတ်ဝင်စားလေ ဖြစ်လာတယ်.။
“သိပ္ပံနည်းကျ တောင်းရမယ်။ နေ့တိုင်း ဂုံးတံတားပေါ် သွားထိုင်နေလို့ ဘယ်ဖြစ်ပါ့မလဲ။ ဂုံးတံတားပေါ်က ဖြတ်ကြတဲ့သူတွေက အလျင်စလိုတွေချည်းပဲ။ ဘယ်သူက ဂုံးတံတားပေါ်အားယားယား သွားလျှောက်နေမလဲ။ လှေကား တက်လိုက် ဆင်းလိုက်နဲ့ မောကမောသေး၊ ကိုယ့်ကို ကိုယ် ပညာနဲ့ တန်ဆာဆင်ထားရမယ်ဗျ၊ ဗဟုသုတလိုက်စားတာ လူတစ်ယောက်ကို ထက်မြက်လာစေတယ်။
ထက်မြက်တဲ့သူဟာ အဆက်မပြတ် ဗဟုတ်သုတ ရှာမှီးနေမှ လူတော်ဖြစ်လာမှာပေါ့။၂၁ရာစုမှ အလိုအပ်ဆုံးက လူတော်တွေပဲလေဗျာ”
“တစ်ခါက လူတစ်ယောက် ကျွန်တော်ကို ငွေငါးဆယ်ပေးပြီး တိုက်အောက်ကနေ နီရေ လွမ်းလိုက်တာလို့ အခါ၁၀၀ သွားအော် ပေးရမတဲ့။ ကျွန်တော် တွက်ကြည့်လိုက်တယ်။ တစ်ခါအော်ရင် ငါးစက္ကန့်လောက်အော်ရမယ်။ ကျွန်တော် တစ်ခါတောင်းတာနဲ့ ညီမျှတယ်။
ရတာကကျတော့ ပြား၅၀ပဲရတယ်။ အဲဒါနဲ့ ကျွန်တော် ငြင်းလိုက်တယ်။”
“ဒီ စိန်းကျိန့်မြို့မှာ သာမာန် သူတောင်းစားဆိုရင် ၁လကို ဒေါ်လာ၈၀၀/တစ်ထောင် ရအောင် တောင်းနိုင်တယ်။
ကံကောင်းရင်တော့ ဒေါ်လာ၂၀၀၀ စွန်းစွန်းရတာပေါ့..။ စိန်းကျိန့် ၁မြို့လုံး သူတောင်းစား အယောက်၁သိန်းမှာ ၁၀ယောက်လောက်ပဲ ၁လကို ဒေါ်လာ၁သောင်းအထက်ရအောင် တောင်းနိုင်တယ်။ ကျွန်တော်က အဲဒီ ၁၀ယောက်ထဲက တစ်ယောက်ပဲ..။ ပြီးတော့ ၀င်ငွေက ငြိမ်တယ်။ အများအားဖြင့် အရမ်းကြီး အတက်အကျမရှိဘူး။”
မိုက်လှချည်လား။ ကျွန်တော် ဒီသူတောင်းစားကို တော်တော် လေးစားသွားတယ်။
“ကျွန်တော်က ကျွန်တော့်ကို ကျွန်တော် ပျော်ရွှင်တဲ့ သူတောင်းစားလို့ အမြဲပြောတယ်။ အခြားသူတောင်းစားတွေကတော့ ကျွန်တော့်ကို အဲဒါ ပိုက်ဆံများများ ၀င်လို့ပျော်တာလို့ ပြောကြတာပေါ့။ ကျွန်တော်က သူတို့ကို ပြန်ပြောတယ်။
ခင်ဗျားတို့ မှားနေတယ်။ ကျွန်တော့်မှာ ပျော်ရွှင်တက်ကြွတဲ့ စိတ်ရှိနေလို့ ၀င်ငွေများနေတာလို့။”
အပြောကောင်းချက်ဗျာ
“တောင်းတယ်ဆိုတာ ကျွန်တော့်အလုပ်ပဲဗျ။ အဲဒီတော့ အလုပ်ကပေးလာတဲ့ ပျော်ရွှင်မှုလေးတွေကို ခံစားတတ်ရတယ်.။ မိုးရွာတဲ့နေ့ လူသွားလူလာနည်းတဲ့အခါ၊ တခြား သူတောင်းစားတွေက ညည်းတဲ့သူညည်း အိပ်တဲ့သူ အိပ်နေကြတယ်။ အဲလို လုပ်လို့ လုံးဝမဖြစ်ဘူးဗျ။
စိတ်ထဲကနေ ဒီမြို့ရဲ့ အလှကို ခံစားရမယ်..။ ညအလုပ်သိမ်းလို့ အိမ်ပြန်တဲ့အခါ မိန်းမနဲ့ ကလေးကို ခေါ်ပြီး ဈေးလေးဘာလေးပတ်၊ အစားလေးဘာလေးစားပေါ့၊ ညရှုခင်းလေးခံစားရင်း တစ်မိသားစုလုံး ပျော်ပျော်ပါးပါးပေါ့..။ အဲလိုဆိုရင် ဒီဘ၀ အသက်ရှင်ရတာ အဓိပ္ပါယ်မမဲ့တော့ဘူးပေါ့ဗျာ။ အကယ်၍များ လုပ်ငန်းတူတွေ့လို့ တစ်ခါတစ်လေလည်း အကြွေလေး ဘာလေး ပစ်ပေးလိုက်တာပေါ့။
သူတို့ ပျော်ပျော်ရွှင်ရွှင်နဲ့ ကျေးဇူးတင်စကားပြောရင်း ထွက်သွားတာကို တွေ့တော့လည်း ကိုယ့်ကို ကိုယ် ပြန်မြင်နေသလိုပေါ့”
“ခင်ဗျားက မိန်းမနဲ့ ကလေးနဲ့?” ကျွန်တော်အလန့်တကြားမေးလိုက်မိတယ်။ လမ်းသွားလမ်းလာတွေတောင် ငဲ့ကြည့်သွားကြတယ်။
“ကျွန်တော်မိန်းမက အိမ်ရှင်မ တာဝန်ကို အပြည့်ယူထားတယ်။ ကလေးက မူလတန်းတက်နေပြီ။
ကျွန်တော် ဖူထျန် ရပ်ကွက်ဘက်မှာ တိုက်ခန်းလေးတစ်ခန်း installment နဲ့ ၀ယ်ထားတယ်.။
၁၀နှစ်ခွဲပေးရမယ်.။ နောက် ၆နှစ်ဆို ကြေပြီဗျ.။ ကျွန်တော် ကြိုးစားမှဖြစ်မယ်။ ကျွန်တော့သားလေး ကြီးလာရင် တက္ကသိုလ်မှာ Marketing Major ယူခိုင်းရမယ်။ ပြီးရင် အဖေ့အမွေဆက်ခံပြီး ကျွန်တော့်ထက်သာတဲ့ သူတောင်းစားဖြစ်အောင် ကြိုးစားခိုင်းရမယ်.။”
“လွန်ခဲ့တဲ့ ၅နှစ်တုန်းက PROFIBUS ဆိုတဲ့ ကုမ္ပဏီမှာ Market planning လုပ်ခဲ့ဖူးတယ်။ လွန်ခဲ့တဲ့၂နှစ်တုန်းကတော့ Sales Manager အဖြစ် promotion ရတယ်ဗျ။ ၁လကို ဒေါ်လာ၅၀၀၀နဲ့ပေါ့..။
အဲချိန်တုန်းက
၁သောင်းကျော်တန် Samsung Laptop ၁လုံးကို installment နဲ့ ၀ယ်ခဲ့တယ်။ ၁လကို
၂၀၀၀သွင်းရတယ်။ သေမလိုရှင်မလိုပဲဗျာ..။ နောက်တော့ ကျွန်တော် စဉ်းစားတယ်။
ဒီလိုသာဆက်သွားရင်တော့ ၁သက်လုံး လူမွှေးလူတောင် ပြောင်မှာ မဟုတ်ဘူးလို့။ အဲဒါနဲ့ အလုပ်ထွက်လိုက်တာ။ ပြီးတော့ ကျွန်တော်ဒီမြို့ကို ပြောင်းလာပြီး သူတောင်းစားလာလုပ်နေတာ။
ကျွန်တော်က အဆင့်မြင့် သူတောင်းစားတစ်ယောက်ဖြစ်ချင်တာဗျ.. ”
သူ့စကားလည်း ဆုံးရော ကျွန်တော် စိတ်လှုပ်ရှားစွာနဲ့ ပြောလိုက်မိတာက…”ကျွန်တော့်ကို တပည့်အဖြစ်လက်ခံနိုင်မလားဗျာ….”

Credit to Serein Ma Yu Hninn

“ ကိန်းဂဏန်းများကို ပေါင်းစပ်ကြည့်ခြင်း . . . ”

“ ၁ + ၁ = ? ” မေးခွန်းလေးကို White board ပေါ်တင်လိုက်ပါတယ် . . . အဲဒီနောက် တက်ရောက်လာတဲ့ သင်တန်းသားများကို တစ်ချက်ဝေ့ကြည့်လိုက်ရင်း . . .
“ ကဲ . . . ဘယ်လောက်လဲ ” လို့ မေးလိုက်ပါတယ် . . . ။ သင်တန်းသားအားလုံး ပြူံးရင်းက . . .
“ ၂ ပေါ့ . . . ” လို့ တညီတညွတ်ထဲ အဖြေပေးလိုက်ကြပါတယ် . . .တစ်ချို့သင်တန်းသားများကတော့ တစ်ခုခုတော့ တစ်ခုခုပဲလို့တွေးပြီး ဇဝေဇ၀ါ ပုံစံမျိုးနဲ့ ဘာအဖြေမှ မပေးကြဘဲ ငြိမ်သက်လို့နေလေရဲ့ . . . ။

“ ကဲ . . . နောက်တစ်ခါ ထပ်မေးမယ်နော် . . . ၁ နဲ့ ၁ ပေါင်းရင် ဘယ်လောက်လဲ . . . ” ကျွန်တော် ဒုတိယအကြိမ် ထပ်မေးလိုက်ချိန်မှာတော့ တစ်ဝက်လောက်ပဲ ချက်ခြင်းမဖြေကြတော့ပဲ “၂ ပေါ့” လို့ ခပ်ဆိုင်းဆိုင်း ဖြေကြပါတော့တယ် . . . ကျန်သင်တန်းသားများကြတော့ . . . ခပ်ထွေထွေပုံစံမျိုး ဖြစ်သွားကြပါတယ် . . .။ ကျွန်တော်လဲ သူတို့ကြည့်ရင်း . . . .
“ သေချာလားလို့ ” ထပ်မေးလိုက်ပါတယ် . . . တစ်ချို့လောက်ပဲ သေချာပါတယ်ဆိုတာလောက် ကြားရပါတော့တယ် . . .
“ ၂ ပဲလေ ၂ မဟုတ်ရင် ဘာလဲဆရာ . . . ” ဟု သင်တန်းသားတစ်ယောက်က စိတ်မရှည်ဟန်ဖြင့် ပြန်လည်ဖြေလိုက်ပါတယ် . . .
“ ကောင်းပါပြီ . . . အဲဒါဆို . . . ကျွန်တော်မေးမယ်နော် . . . ”
“ အမှိုက်ပုံ တစ်ပုံနဲ့ တစ်ပုံပေါင်းရင် ဘယ်နှစ်ပုံရမလဲဟင် . . . ” ဟု ကျွန်တော်က သူမေးခွန်းကို ခေတ္တရပ်နားက ပြုံးကြည့်ရင်း သူကိုမေးလိုက်ရင်းက သင်တန်းသားများဘက်ကို တစ်ချက် အကဲခတ်ကြည့်လိုက်ပါတယ် ။
“ ၁ ပုံပဲ ရပါတယ် ဆရာ . . .” ဟု သူ၏ နဘေးမှ သင်တန်းသားက ဖြေဆိုလိုက်ပါတယ် . . . ထိုအခါ ကျွန်တော်က ထပ်ပြီး . . .
“ ကဲ . . . ကျွန်တော်ထပ်မေးမယ်နော် . . . မတူညီနဲ့ မိသားစုက ယောင်္ကျားလေးတစ်ယောက် နဲ့ မတူညီနဲ့မိသားစုက အမျိုးသမီးတစ်ယောက် ပေါင်းစပ်ကြမယ်ဆိုရင်ကော . . .”
“ တမျိုးမတွေးကြပါနဲ့ ကျွန်တော်က ကိန်းဂဏန်းကိုမေးတာပါ . . . ” ဟု ကျွန်တော် အမေးကို ထပ်မံ ဖြည့်စွက်ကာ . . . သင်တန်းသားများဘက်ကို ၀ိုက်ကြည့်ရင်း ရှင်းလင်းမေးမြန်းလိုက်ပါတယ် . . အားလုံး ခေတ္တ တိတ်ဆိတ်ငြိမ်သက်လို့သွားပါတယ် . . . ။ သင်တန်းသားများရဲ့ အဖြေကို ခေတ္တစောင့်စားရင်း အတန်ငယ်ကြာမှာတော့ . . . . White board ပေါ်တွင် ၁ + ၁ = ၁ , ၁ + ၁ = ၂ , ၁ + ၁ > ၂ လို့ ရေးလိုက်ပါတယ် . . . အဲဒီနောက်မှာတော့ . . .
“ ဒါလေး ကျွန်တော် ဘာကြောင့်မေးလဲဆိုတော့ . . . ကျွန်တော်တို့ ငယ်စဉ် Algebra နည်း အရ သင်ခဲ့ရတာတော့ . . . ၁ နဲ့ ၁ ပေါင်း ရင်း ၂ ရပါတယ် . . . ဒါ Algebra နည်းအရ အမှန်ပါ . . . ဒါပေမယ့် လက်တွေ့ ဘ၀ကတော့ ဘာတွေသင်ပေးသလဲဆိုရင် ၁ နဲ့ ၁ ပေါင်းခြင်းက ၁ လဲဖြစ်နိုင်တယ် ၂ လဲဖြစ်နိုင်တယ် ၂ ထက်ပိုတဲ့ ၃ တို့ ၄ တို့လဲဖြစ်နိုင်တယ် ဆိုတာလေးကို သတိပြုစေချင်တာပါ . . . ”
“ အဲဒီ အသိလေးကို ခင်ဗျားတို့ သတိပြုစေချင်တာပါ ဒါမှလဲ ခင်ဗျားတို့ကျွန်တော်တို့ လူလောကထဲ ကျင်လည် ရုန်းကန်နေချိန် အဲဒီအသိလေး သတိကပ်ထပ်မိရင် မိမိအယူအဆသာမှန်နိုင်တယ် ငါတို့ကျောင်းကသင်ပေးတာ ဒါတွေဖြစ်တဲ့အတွက် ဒါတွေသာမှန်တယ် အယူလေးတွေလျှော့ပါးလာပါလိမ့်မယ် . . . အဲဒီလို သတိထားမိရင် ဘာတွေဖြစ်လာလဲဆိုတော့ နည်းလမ်းတွေရှာလာမှာပေါ့ နို့မိုရင် ငါသာမှန်တယ်ဆိုအဆင့်မှာပဲ ရပ်တန့်နေတော့မှာလေ . . . ”
“နောက်ပြီး . . . ကျွန်တော်ထပ်မေးပါမယ် . . . ခင်ဗျားတို့ကျွန်တော်တို့ သင်ခဲ့တဲ့ သင်ခန်းစာတွေ တွက်ချက်တာတွေ ခင်ဗျားတို့ ဤသည်မရွေး မှတ်မိဖြေနိုင်ပါမလား . . . မလွယ်ပါဘူး . . . ကျွန်တော်တို့လဲ မမှတ်မိပါဘူး . . . ဒါဆို ကျွန်တော်မေးလိုက်ပါအုံးမယ် . . . ဒါနဲ့များ ဘာကြောင့် ကျွန်တော်တို့ ကျောင်းတွေတက် စာတွေသင်နေတာလဲ . . . ခင်ဗျားတို့ ကျွန်တော်တို့ ပတ်ဝန်းကျင်မှာ ကြားနေကျစကားတွေလေ မင်းဘွဲရ ပညာတတ်တော့ ဘာရမှာလဲ ဘာတွေဖြစ်လာလို့တုန်း . . . ဘာမှမထူးပါဘူးကွာ . . . ဆိုတဲ့စကားလေးတွေလေ . . . ခင်ဗျားတို့ ဘယ်လို့ဖြေမှာလဲ . . . ”
“ ဟုတ်ကဲ့ ကျွန်တော်ဖြေပါမယ် . . . ကျွန်တော်တို့ သင်ခဲ့တဲ့စာတွေ ကျွန်တော်တို့ ဤသည်မရွေး ကျွန်တော်မမှတ်မိပါဘူး . . . ဒါပေမယ့် ကျွန်တော်တို့ ကျောင်းမှာသင်ခဲ့ရတာ ဘာတွေရခဲ့လဲဆိုရင် . . . ပုစ္ဆာတစ်ပုဒ်ကို ဘယ်လို့တွေးရမယ် . . . ဘယ်လို့ချဉ်းကပ်ရမယ် . . . ဘယ်လိုဖြေရှင်းရမယ် . . . အဲဒီအချက်တွေရခဲ့ကြတာပဲလေ အဲဒီအချက်တွေကို ကျွန်တော်တို့ လက်တွေ့ဘ၀တွေမှာ အသုံးချမယ်ဆိုရင် ကျွန်တော်တို့ တကယ်အပြင်လောကမှာ အဆင်ပြေမှာပေါ့ . . . အသုံးမချဖြစ်ကြရင်တော့ ဘာမှအသုံးမ၀င်ပါဘူး . . .။
“ နောက်ပြီး ခင်ဗျားတို့ စဉ်းစားကြည့်ကြပါ . . . ပလပ်စတစ်အိတ် အကောင်းလေးတွေတွေ့ရင် သိမ်းထားတတ်တဲ့အကျင့် တစ်ချို့မှာရှိကြပါလိမ့်မယ် ဘာလို့သိမ်းထားတာလဲ . . . တစ်ချိန်ချိန်မှာ အသုံးဝင်ကောင်း ၀င်နိုင်တယ်ဆိုတဲ့အတွေးမျိုးနဲ့ပေါ့ . . . ဒါပေမယ့် အသုံးမချဖြစ်ရင်တော့ အမှိုက်အဖြစ်နဲ့သာ အဆုံးသတ်မှာပဲလေ . . . ဒါဆိုလဲ .. . ခုနကမေးခွန်းလေးလို ဘာလို့သိမ်းထားသေးလဲဆိုတာ မေးရမယ့်မေးခွန်းလေးပေါ့ . . . .”
“ တကယ်တော့ အလကားဖြစ်မဖြစ် ထူးမထူးဆိုတာ အသုံးချမှု့အသုံးမချမှု့ပေါ်မှာ မှုတည်ပါတယ် . . အဲဒီတော့ သင်ခဲ့တဲ့ပညာ အလကားဖြစ်မဖြစ်ဆိုတာလဲ အသုံးချမှု့ အသုံးမချမှု့ပေါ်မှာမူတည်ပါတယ် . . .။ တစ်ချို့ပြောပါလိမ့်မယ် ကျွန်တော်တို့ပညာက အသုံးချခွင့်ကြုံမှ မကြုံတာလို့ . . . တစ်ခါက ကျွန်တော်တို့ရုံးက ဆရာတစ်ယောက်ပြောတာလေး “ ကျွန်တော်တို့ ငယ်ငယ်ကဆရာကြီးတစ်ယောက်ပြောဘူးပါတယ် . . . ဒါလေးက ငါတို့လူမျုိုးတွေ မူလတန်းဖတ်စာကိုသာ ကျေခဲ့မယ်ဆိုရင်ကိုပဲ တိုးတတ်တယ်” ဆိုတာလေးပါ . . . ဟုတ်ပါတယ် . . . မူလတန်းစာမှာဘာတွေပါလဲ . . . ကျန်းမာရေးနဲ့ပတ်သက်တာလဲပါတယ် လူမှု့ဆက်ဆံရေးလဲပါတယ်လေ . . . ဥပမာ ၊ ။ လှည်းတစ်စင်း နွံ့နစ်နေသည် . . ပြိုင်တူတွန်းက ရွေ့နိုင်သည် . . . တစ်ယောက်စကား တစ်ယောက်နားမှာ မခါးရအောင် မောင်တို့ဆိုလေ ပျားသကာလို ချိုလှစေ . . .ကစားချိန်မှာ ကစားပါ စားချိန်မှာ စားပါ နားချိန်မှာ နားပါ . . . အစရှိသဖြင့်ပေါ့ . . . ”
“ နောက်တစ်ချက်က ကျွန်တော်တို့အရိုးစွဲနေတာက စာသင်တာ ဘွဲရပညာတတ်လို့ သတ်မှတ်ခံရဖို့ အလုပ်ကောင်းကောင်းရဖို့ ဘာဖို့ညာဖို့ပေါ့ . . . ဘယ်လိုပဲဖြစ်ဖြစ်ပါ ပညာလိုချင်လို့ ပညာသင်တာပဲ ဖြစ်သင့်ပါတယ် . . . ဘွဲလက်မှတ်ဆိုတာ စာရွက်ကလေးပါ . . . တကယ်ဘာမှမတတ်ဘဲ ဘာမှမသိဘဲ ကျောင်းပြီးလာရင်တော့ တလည်လည်ဖြစ်နေအုံးမှာပါပဲ . . . ” ဒါလေးနဲ့ ပတ်သက်ပြီးလဲ ခင်ဗျားတို့ကို ကျွန်တော်မေးကြည့်အုံးမယ်နော် . . .
“ တကယ်လို့ ခင်ဗျားတို့ ကိုယ်ပိုင်လ္ဘက်ရည်ဆိုင်ထောင်မယ်ဆိုပါတော့ မုန့်မျိုးစုံ သင်တန်းဆင်းလက်မှတ်ရပြီး ကျွမ်းကျွမ်းကျင်ကျင်မရှိတဲ့သူနဲ့ ဘာသင်တန်းဆင်းလက်မှတ်မှမရှိဘဲ မုန့်နဲ့ပတ်သက်ပြီး ကျွမ်းကျွမ်းကျင်ကျင်လုပ်နိုင်တဲ့သူ လက်ဆမှန်တဲ့သူ ဘယ်သူကိုခန့်မှာလဲ . . . ဒါလေးပါပဲ ဘွဲ့လက်မှတ်အတုလုပ်လို့ရပါတယ် ဆိုင်ရာဆိုင်ရာ certificate အတုလုပ်လို့ရပါတယ် ကျွမ်းကျင်ပိုင်နိုင်မှု့နဲ့ တွေးခေါ်စဉ်းစားတတ်မှု့ အတုလုပ်လို့မရပါဘူး . . . ပညာဆိုတာ စာသင်ကျောင်းမှာပဲ သင်ယူရုံနဲ့မပြီးဘဲ လက်တွေ့ဘ၀တွေထဲမှာလဲ အမြဲသင်ယူနေရပါတယ် . . . ။ ဒါလေးကိုသဘောပေါက်ပြီး အမြဲသင်ယူနေဖို့ပါပဲ . . . ” ဟု ရှည်လျှားစွာ မိမိပြောဆိုဆွေးနွေးမှု့ကို ခေတ္တရပ်ကာ သင်တန်းသားများကို အကဲခတ်လေ့လာမိနေပါတယ် . . .။
ထိုနောက် “ ကဲ . . . ဘာလေးတွေ ဆွေးနွေးမေးဖို့ရှိပါသေးလဲ . . . .” ဟု ထပ်မံမေးရင်း . . . .
“ မရှိရင်တော့ ဒီနေ့ဒီလောက်ပါပဲ . . .” ဟု တစ်နေ့တာ သင်တန်းလေးကို အဆုံးသတ်လိုက်ပါတယ် .။
တိုမိုစံ (MDY)

စိတ်ခံစားမှုကို ပြတဲ့ အင်္ဂလိပ်စကားလုံးလေးများ

A
လွယ်တဲ့နှစ်လုံးက စပါမယ်။ Angry နဲ့ Annoyed ပါ။ Angry က စိတ်ဆိုးတာဖြစ်ပြီး Annoyed ကတော့ စိတ်အနှောက်အယှက်ဖြစ်တာပါ။ လွယ်လို့ ဥပမာတော့မရေး ပြတော့ပါဘူး။
Appalled က တုန်လှုပ်ခြောက်ခြားဆိုတဲ့အဓိပ္ပာယ်ပါ။
e.g They were appalled to hear that they would lose their jobs.
Apprehensive ကိုတော့ စိုးရိမ်ကြောင့်ကြတယ်။ ပူပန်တယ်ဆိုတဲ့ အဓိပ္ပာယ်နဲ့သုံးပါတယ်။
e.g I felt a little apprehensive before my interview.
Ashamed ကတော့ ရှက်တာပါ။
e.g. How could you say such a thing? You should be ashamed of yourself!
B
Bewilder ကတော့ စိတ်ရှုပ်ထွေးတယ်လို့ပြောချင်ရင် သုံးပါတယ်။
e.g He was bewildered by the choice of computers in the shop.
Betrayed ကတော့ သစ္စာဖောက်ခံရတာကို ပြောတာပါ။
e.g He betrayed my trust when he repeated my secret to everyone.
C
Confuse က ရောထွေးတဲ့ဆိုတဲ့ အဓိပ္ပာယ်ပါ။
e.g I’m sorry I forgot your birthday – I was confused about the dates.
ကိုယ့်ကိုယ်ကို ယုံကြည်ချက်ရှိတယ်ဆိုရင် Confident လို့ သုံးပါတယ်။
e.g I’m confident that we can find a solution to this problem.
နည်းနည်းပါးပါး စိတ်ဆိုးတာဆိုရင် Cross လို့ သုံးလို့ရပါတယ်။
e.g. I was cross with him for not helping me, as he said he would.
D
Depress က ဝမ်းနည်းတယ်။ စိတ်မချမ်းသာဘူးဆိုတဲ့ အဓိပ္ပာယ်ပါ။
After he failed his English exam, he was depressed for a week.
အရမ်းပျော်တာမျိုးကိုပြောချင်ရင် Delighted လို့သုံးပါတယ်။
e.g. I’m delighted that I got the job. It’s just what I always wanted.
စိတ်ပျက်တာကတော့ Disappointed ပါ။
e.g. She was disappointed by her son’s poor results at school.
E
ပိုးစိုးပက်စက်ပျော်၊ အသေပျော်တယ်ဆိုရင် Ecstatic လို့သုံးပါတယ်။
e.g. When he asked her to marry him she was ecstatic.
Excited က စိတ်လှုပ်ရှားတာပါ။
e.g. I’m excited by the new opportunities that the internet brings.
ဝမ်းသာဝမ်းနည်း စိတ်ခံစားမှုတစ်ခုခုကို ဖြစ်စေတယ်ဆိုရင်တော့ Emotional လို့သုံးပါတယ်။
e.g. When he heard the news, he became quite emotional.
မလိုဖြစ်တယ်၊ အားကျတယ်ဆိုရင် Envious လို့သုံးနိုင်ပါတယ်။
e.g. I’m very envious of her happiness – I wish I was happy too.
Embarrassed ကတော့ ရှက်ကြောက်တယ်ဆိုတဲ့ အဓိပ္ပာယ်ပါ။
e.g I felt so embarrassed that I went bright red.
F
– အလွန်အမင်းစိတ်ဆိုးတဲ့အခါ Furious ကို သုံးပါတယ်။
e.g. I was furious with him for breaking my favourite vase.
– Frightened ကတော့ ကြောက်လှန့်တာပါ။
e.g. As a child she was frightened of the dark.
G
– တစ်ခုခုကို ကောင်းမွန်တယ်၊ ကြိုက်တယ်လို့ပြောချင်ရင် Great လို့ပြောလေ့ရှိပါတယ်။
e.g. I feel great today.
H
– Happy ကတော့ သိပြီးသားဖြစ်မှာပါ။ ပျော်ရွှင်တာကို ပြောတာပါ။
e.g. She was happy to hear the good news.
– အလွန်အမင်း ထိတ်လန့်တုန်လှုပ်တယ်လို့ ပြောချင်ရင် Horrify လို့သုံးကြပါတယ်။
e.g. I’m horrified by the amount of violence on television today.
I
– Irritate ကတော့ စိတ်ကသိကအောက် ဖြစ်တာကိုပြောတာပါ။
e.g. I get so irritated when he changes TV channels without asking me first.
– တစ်ခုခုကို စိတ်ဝင်စားတယ်၊ စိတ်ဝင်စားစေတယ်လို့ပြောချင်ရင် Intrigue ကိုသုံးပါတယ်။
e.g. I’m intrigued to hear about your safari in Kenya.
J
– မနာလိုဖြစ်တာက Jealous ပါ။
e.g. She was jealous of her sister’s new toy.
– တစ်ခုခုအပေါ် စိတ်ကုန်နေပြီဆိုရင်တော့ Jaded လို့သုံးပါတယ်။
e.g. After 10 years at this company, I just feel jaded.
K
– တစ်ခုခုလုပ်ဖို့ စိတ်အားထက်သန်နေတယ်ဆိုရင် Keen ကိုသုံးလေ့ရှိပါတယ်။
e.g. I’m keen to see your new house – I’ve heard lots about it.
L
– ပျင်းရိတာက Lazy ပါ။ ဒါက သိပြီးသားစကားလုံး ဖြစ်ပါလိမ့်မယ်။
e.g. I can’t be bothered to do anything today – I feel really lazy!
– Lucky က ကံကောင်းတာပါ။ ဒါလည်း သိပြီးသား စကားလုံးတစ်လုံးပါ။
e.g. I’m going to play the lottery – I feel lucky today!
– စိတ်ပျက်လက်ပျက် ဖြစ်သွားတယ်ဆိုရင်တော့ Let Down လို့သုံးနိုင်ပါတယ်။
e.g. When you didn’t turn up to the meeting, I felt really let down.
M
– မိခင်စိတ်ဝင်သွားတယ်လို့ ပြောချင်ရင် Maternal လို့ပြောလို့ရပါတယ်။
e.g. Looking at my sister’s new baby made me feel really maternal.
N
– တစ်ခုခုကို မှင်သက်မိသွားတယ်လို့ပြောချင်ရင် Nonplus လို့သုံးပါတယ်။
e.g. I was so nonplussed by his announcement that I couldn’t say anything.
– ဆန့်ကျင်ဖက်တွေ၊ မကောင်းတာတွေပဲမြင်နေတယ်ဆိုရင်တော့ Negtive လို့သုံးပေးပါ။
e.g. I feel very negative about my job – the pay is awful.

O
Overwhelm ကို စိတ်လှုပ်ရှားလွန်းလို့ ဘာလုပ်လို့ဘာကိုင်ရမှန်းမသိ ဖြစ်နေတဲ့အချိန်မှာ သုံးပါတယ်။
e.g. I was overwhelmed by the offer of promotion at work.
နှစ်ခြိုက်တယ်ဆိုတာကို Over the moon လို့သုံးလို့ရပါတယ်။ Idiom အသုံးပါ။
e.g. She was over the moon with her new bicycle and rode it every day for a whole year.
P
အကောင်းမြင်တယ်၊ သေချာတယ်ဆိုရင်တော့ Positive လို့သုံးနိုင်ပါတယ်။ ဒီအသုံးက လွယ်ပါတယ်။
e.g. She’s a very positive person and never lets anything get her down.
e.g. Are you sure that’s what you want? Yes – I’m positive.
R
သက်တောင့်သက်တာရှိတာက Relax ပါ။
e.g. I was completely relaxed after I came back from holiday.
Reluctant ကတော့ တစ်ခုခုကို ဝန်လေးတယ်၊ အင်တင်တင်ဖြစ်နေတယ်ဆိုရင် သုံးပါတယ်။
e.g. I’m reluctant to buy a new car – the one we have is fine.
S
ဒေါသကိုမြိုသိပ်လိုက်ရတယ်ဆိုတာကို Seething လို့သုံးပါတယ်။
e.g. She was seething after her boss criticised her.
Sad ကတော့ ဝမ်းနည်းတယ်တာပါ။ သိပြီးသားဖြစ်မှာပါ။
e.g. It makes me sad to see all those animals in cages at the zoo.
ကြောက်ရွံ့တာကို Scare လို့သုံးပါသေးတယ်။
e.g. Are you scared of heights?
စိတ်ဖိစီးနေတယ်ဆိုရင်တော့ Stress လို့ သုံးပါတယ်။ ဒါကတော့ အသုံးများတဲ့ စကားလုံးတစ်လုံးပါ။
e.g. I feel really stressed at work – I need a break.
T
ကြောက်မယ်ဖွယ်တစ်ခုခုကို ကြုံတွေ့ခဲ့တယ်ဆိုရင် Terrific လို့သုံးပါတယ်။
e.g. I feel terrific today!
နေလို့၊ ထိုင်လို့မကောင်းဘူးဆိုရင်တော့ Terrible လို့သုံးနိုင်ပါတယ်။
e.g. I’ve got a blinding headache and I feel terrible.
Terrify ကတော့ အလွန်အမင်းထိတ်လန့်တာ ဆိုတဲ့အဓိပ္ပာယ်နဲ့သုံးပါတယ်။
e.g. She’s terrified of spiders and screams whenever she sees one.
Tense ကတော့ သက်တောင့်သက်သာမရှိဘူးဆိုတဲ့ အဓိပ္ပာယ်ပါ။
e.g. You look a bit tense. Did you have a bad day at work?
U
ဝမ်းနည်းတယ်လို့ပြောချင်ရင် Upset လို့သုံးပါတယ်။
e.g. I’m sorry you’re upset – I didn’t mean to be rude.
မပျော်ရွှင်ဘူးဆိုတာကတော့ Unhappy ပါ။ သိပြီးသားဖြစ်မှာပါ။
e.g. I was unhappy to hear that I hadn’t got the job.
V
Victimise ကတော့ တရားခံ (သို့) အပြစ်သားတစ်ယောာက်လို ခံစားရတယ်လို့ပြောချင်တာပါ။
e.g. My boss kept criticising me and not the others, so I felt quite victimised.
W
ကျေနပ်ဝမ်းမြောက်တယ်ဆိုရင်တော့ Wonderful လို့သုံးပါတယ်။
e.g. I felt wonderful after such a relaxing weekend.

သင့်ကျန်းမာရေးကောင်းပြီး ဒေါင်ဒေါင်မြည်နေဖို့

သင့်ကျန်းမာရေးကောင်းပြီး ဒေါင်ဒေါင်မြည်နေဖို့ဆိုရင် ကနေ့မှစပြီး ဒီအချက်တွေကို လုပ်ကြည့်လိုက်ပါ .

1. ရေများများသောက်ပါ

2. မနက်စာကို ဘုရင်လိုစား၊ နေ့လည်စာကိုတော့ မင်းသားလေးလိုစား၊ ညစာကိုတော့သူတောင်းစားလို စားပါတဲ့။ (အားလုံး နားလည်ကြမှာပါနော်)

3. သစ်ပင်ပေါ်က ရတဲ့ ဟင်းသီး ဟင်းရွက်တွေကို များများစားပေးပါ၊

4. ဘ၀မှာ 3 E နဲ့ ရှင်သန် နေထိုင်ပါ — Energy, Enthusiasm နဲ့ Empathy

5. တရားထိုင်ခြင်း၊ ယောဂ ကျင့်ခြင်း၊ ဘုရားရှိခိုးခြင်း တို့ကိုလည်း ပြုလုပ်ပေးသင့်ပါတယ်။

6. ကစား ခုန်စားလည်း များများ ပြုလုပ်ပေးဖို့ လိုအပ်တယ်။

7. သင် 2016 ခုနှစ်မှာ ဖတ်ခဲ့တဲ့ စာအုပ်အရေအတွက်ထက် ဒီနှစ်မှာ များများပိုဖတ်ပါ။

8. တစ်ရက်မှာ 10 မိနစ်လောက် ဆိတ်ဆိတ်နေကြည့်ဖို့ကိုလည်း ကြိုးစားကြည့်သင့်တယ်။

9. တစ်ရက်မှာ 7 နာရီလောက်တော့ အနည်းဆုံး အိပ်သင့်ပါတယ်။

10. တစ်ရက်မှာ 10 မိနစ်ကနေ နာရီဝက်လောက်ထိ လမ်းလျှောက်သင့်ပါတယ်။

လမ်းလျှောက်နေစဉ်မှာလည်း မျက်နှာလေးကို ခပ်ပြုံးပြုံးလေး နေပေးရမယ်နော။

(အရူးလို့တော့ မထင်လောက်ပါဘူးနော်... :P)

Personality:

11. ကိုယ့်ဘ၀ကို သူများတွေနဲ့ မယှဉ်ပါနဲ့။ သူတို့ ဘာလမ်းကြောင်းကိုလျှောက်လမ်းနေတယ်ဆိုတာ သင် မသိနိုင်ဘူးလေ။

12. ကိုယ်မထိန်းချုပ်နိုင်တဲ့ အရာတွေပေါ်မှာ မကောင်းမြင်စိတ်တွေမထားပါနဲ့။ အဲ့ဒါတွေကြောင့်လည်း စိတ်ဆင်းရဲ မနေပါနဲ့။ လက်ရှိကိုယ့်မှာရှိနေတာလေးကို တန်ဘိုးထားပြီး ဒါတွေကိုပဲ ပိုကောင်းအောင်လုပ်လိုက်ပါ။

13. အလုပ်တွေကိုလည်း အလွန် အကျွံ မလုပ်ပါနဲ့.. Limit တစ်ခုထိပဲ လုပ်တာ ကောင်းပါတယ်။

14. ကိုယ့်ကိုကိုယ် သိပ်ပြင်းပြင်းထန်ထန်ကြီး မခိုင်းစေပါနဲ့။ ဘယ်သူမှလဲဒါမျိုးမလုပ်ပါဘူး။ သက်တောင့် သက်သာလေးသာ အကောင်းဆုံး ဖြစ်ပါတယ်။

15. ကိုယ့်ရဲ့ တန်ဘိုးရှိတဲ့ စွမ်းအင်တွေကို အတင်းပြောခြင်းဖြင့် မကုန်ဆုံးပါစေနဲ့။

16. အိပ်နေစဉ်မှာထက် နိုးနေချိန်တွေမှာ အိပ်မက် ပိုမက်ပါ။

17. မနာလို ၀န်တိုဖြစ်နေတာဟာ အချိန်ဖြုန်းခြင်း တစ်မျိုးပါပဲ။ သင့်မှာရှိသင့်ရှိထိုက်တာတွေ အားလုံးရှိနေပါတယ်။

18. အတိတ်က ပြသနာတွေကို မေ့လိုက်ပါ့တော့။ ကိုယ့်ရဲ့ လက်တွဲဖော်၊ကြင်ဖော်တွေမှာ အတိတ်က အရိပ်ဟောင်းတွေ ရှိနေရင်လည်း ပြန်မဖော်ပါနဲ့တော့။ဒါတွေက လက်ရှိဘ၀ရဲ့ ပျော်ရွှင်မှုတွေကို ဖျက်ဆီးလိမ့်မယ်။

19. ဘ၀ဟာ သိပ်တိုတောင်းပါတယ်။ လူတစ်ယောက်ကို မုန်းဖို့ ဆိုတဲ့အချိန်တောင် ရှိမှာ မဟုတ်ပါဘူး။ ဒါ့ကြောင့် တစ်ခြားလူတွေကို မမုန်းပါနဲ့။

20. ပစ္စုပ္ပန်မှာ ပျော်ရွှင်ဖို့အတွက် အတိတ်တွေနဲ့ ငြိမ်းချမ်းရေး ရယူလိုက်ပါ။

21. ကိုယ့်ရဲ့ ပျော်ရွှင်မှုတွေရဲ့ သခင်ဟာ ကိုယ်မှလွဲလို့ နောက်တစ်ယောက်မဖြစ်နိုင်ပါဘူး။

22. ဘ၀ဆိုတာ ကျောင်းတော်ကြီး တစ်ခုဖြစ်တယ်။ သင်က အဲ့ဒီကျောင်းတော်ကြီးမှာပညာသင်ရမယ့် ကျောင်းသားလေးပေါ့။ ပြသနာဆိုတာက သင်ရိုးညွှန်းတမ်း တစ်ခုရဲ့အစိတ်အပိုင်းမျှသာ ဖြစ်တယ်။ အက္ခရာ သင်္ချာတွေကို တွက်ချက်သလိုဖြေရှင်းနိုင်သွားမှာပါ။ အဲ့ဒါတွေရဲ့ သင်ခန်းစာကတော့သင့်ဘ၀တစ်လျှောက်လုံးအတွက် အရေးပါနေမှာပေါ့။

23. များများပြုံးပါ၊ များများရယ်ပါ။

24. အငြင်းအခုံတွေတိုင်းမှာ သင်ချည်းပဲ အနိုင်ရနေမှာ မဟုတ်ဘူး။ သင်သဘောမတူတာတွေကို သဘောတူအောင် ကြိုးစားကြည့်လိုက်ပါလား။

Society:

25. သင့်မိသားစုနဲ့ မကြာခဏ ဖုန်းပြောပါ။ အဝေးရောက်နေတယ်ဆိုရင်ပေါ့။တူတူနေတယ်ဆိုရင်တော့ နွေးထွေးတဲ့ ဆက်ဆံရေးလေးဖြစ်အောင် တည်ဆောက်ပါ။

26. အများသူငှာအတွက် ကောင်းမှုတစ်ခု နေ့စဉ်ပြုကြည့်ပါ။

27. လူတိုင်းကို အရာအားလုံးအတွက် ခွင့်လွတ်တတ်ဖို့ ကြိုးစားကြည့်ပါ။
(သိပ်စိတ်ချမ်းသာစရာကောင်းတယ် ကိုယ်တွေ့ပါပဲ)

28. အသက် 70 ကျော် ဘိုးဘိုး ဘွားဘွားတွေ၊ အသက် 6 နှစ်အောက် ကလေးတွေနဲ့အချိန်များများ ပိုဖြုန်းပါ။

29. တစ်နေ့မှာ လူသုံးယောက်လောက်ကို ကိုယ့်ကြောင့် ပြုံး ရီ သွားအောင်ကြိုးစားကြည့်ပါလား။

30. တစ်ခြား သူတွေ သင့်ကို ဘာပဲ ထင်ထင်။ ဒါသင့်အလုပ် မဟုတ်ဘူး။

31. သင့်ရဲ့ အလုပ်က သင်နေမကောင်းဖြစ်နေချိန်မှာ သင့်ကို လာပြုစုမှာ
မဟုတ်ဘူး။ သင့်ရဲ့ သူငယ်ချင်းတွေ၊ မိသားစုဝင်တွေကသာ သင့်အနားမှာ
ရှိနေကြလိမ့်မယ်။ သူတို့တွေနဲ့ များများ ထိတွေ့နေဖို့ လိုအပ်တယ်။

Life:

32. မှန်ကန်တဲ့ အရာကိုသာ လုပ်ပါ။

33. အသုံးမ၀င်တဲ့၊ နှစ်လိုဖွယ်မရှိတဲ့၊ ကြည်နူးဖွယ် မကောင်းတဲ့အရာမှန်သမျှကို သင့်စိတ်ထဲက ထုတ်ပစ်လိုက်ပါ။

34. ကောင်းတာပဲ ဖြစ်နေဖြစ်နေ၊ ဆိုးတာပဲ ဖြစ်နေ ဖြစ်နေ မမြဲပါဘူး။ အမြဲပြောင်းလဲနေမှာ ပါပဲ။

35. ကိုယ်ဘာတွေပဲ ခံစားနေရ နေရ၊ ကိစ္စ မရှိပါဘူး။ ကဲ… လာ သွားစို့..
အလှပြင်လိုက်၊ ရှိုးထုတ်လိုက်။ ပျော်ပျော်နေရမှာပေါ့။

36. အကောင်းဆုံးတွေဆိုတာ ဖြစ်လာအုံးမှာပါ။

37. ကိုယ့်ရဲ့ အတွင်း စိတ်သန္တန်ဟာ အမြဲပျော်ရွှင်နေရမယ်။ ဒါကြောင့်ပျော်ပျော်သာနေပါ။

38. ဒီ Post ကို သင် ဂရုတစ်စိုက်ရှိတဲ့ လူ အယောက် 40 ဆီကို share လုပ်လိုက်ပါတဲ့။